Bi erromes hipotermia larriarekin erreskatatu dituzte Ibañetan
Donejakue Bidea egiten ari ziren bi erromes erreskatatu zituzten bart, Ibañetan, Nafarroako Gobernuak agiri batean azaldu duenez. Neka-neka eginda gizona galdu egin zen, eta hura bilatzen ari zenean istripua izan zuen emakumeak. Erreskatearen ostean emakumeak Izandorreko aterpean igaro du gaua.
Erreskate taldeak emakumea sakan batean aurkitu eta esku-ohe batean atera zuen. Trokara erori eta hanka bat hautsi zuen erromesak.
Nahiz eta hasiera batean Nafarroako Ospitalera eramateko asmoa izan, 30 urteko emakumearen egoera ikusita anbulantzian bidaia egitea baztertu zuten. Azkenik, helikopteroan eraman dute gaur.
Suhiltzaileek, Foruzaingoak eta Guardia Zibilak parte hartu zuten erreskatean. Emakumea 24:00ak aldera erreskatatu zuten Ibañetan.
Diabetikoa, jota eta hipotermiarekin
Antza denez, emakumea Donejakue Bidea gizon batekin egiten ari zen. Gizona arratsaldean erreskatatu zuten hipotermia larri batekin eta ahituta.
Atzo, 17:33 aldera, 39 urteko gizonak Nafarroako larrialdi zerbitzuari abisua eman zion, Izandorreko aterpetik hurbil, Orreaga eta Frantziako mugaren artean, zegoela esanez. Jota zegoela eta hotz handia zuela azaldu zuen deian. Gainera, diabetikoa zela, bakarrik zegoela eta jatekorik ez zuela erantsi zuen.
Auritz, Cordovilla eta Luzaideko suhiltzaileak, Guardia Zibilaren Mendi Erreskateko Taldea (GREIM) eta foruzainak bidali zituzten. Guardia zibilak Nafarroako Gobernuaren helikoptero batean hurbildu ziren.
Argazkia: Nafarroako Suhiltzaileak
Gainera, Auritzeko bizilagun batek dispositiboarekin bat egin eta suhiltzaile bat elurretako motorrarekin eraman zuen, baina helikopteroak erromesa lehenago topatu zuen. Gizona erreskatatu eta zuzenean Nafarroako Ospitalera eraman zuen helikopteroak 19:00ak aldera.
Ondoren, 21:00ak aldera, larrialdi zerbitzuak beste dei bat jaso zuen. Eroriko bat izan zuela azaldu zuen emakume brasildarrak. Hanka bat hautsita, bustita eta bertatik ateratzeko aukerarik gabe zegoela adierazi zuen.
24:00ak aldera erreskate taldeak bigarren erromesa topatu zuen, eta berehala edari beroak eta berokiak eman zizkioten.
Erreskate zaila
Erromesa sakanetik esku-ohe batean sokekin atera zuten. Ondoren, 11 suhiltzaile txandakatzen joan ziren biktima eramateko. Oso erreskate zaila izan zen, elurrak estalitako bideetatik eta hotz handiarekin.
Nafarroako Ospitalera anbulantzian eramateko asmoa zuten. Frantziako helikoptero bat ere aireratzen saiatu zen, baina eguraldi txarragatik ez zuen lortu. Hipotermia larria zuen emakumeak, eta azkenean Izandorreko aterpean gaua igarotzea erabaki zuten.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.