Lurraldebuseko beste hiru linea iritsiko dira Donostiako geltokira
Lurraldebus konpainiako beste hiru linea hartuko ditu Donostiako autobus geltoki berriak. Marisol Garmendia Mugikortasuneko eta Lurralde Antolaketako foru diputatuak agindu berri bat eman du argitara, Lurraldebuseko hainbat lineek Donostian egiten dituzten ibilbideetan aldaketak egiteko; aldaketa horiek maiatzaren 14an (larunbata) sartuko dira indarrean.
Hala, Azkoitia eta Donostia arteko UK01 linea autobus geltokian sartuko da; aldiz, UK09 eta UK10 lineek, Zumaia eta Donostia artekoek, geltokiko kanpoko dartsenan egingo dute geldialdia.
Autobus geltokira iritsi ondoren, linea guztiek geldialdia egingo dute Askatasunaren hiribidean bidaiariak hartzeko, Donostiatik irteteko egiten duten ohiko ibilbidearen barruan.
Garmendiaren hitzetan, "lineen berrantolaketa horrekin, Askatasunaren hiribideko trafikoan eta mugikortasunean sortu diren eragozpenak konpondu egin nahi dira, linea horien Donostiako azken geldialdiarekin".
Ibilbide berria
Maiatzaren 14tik aurrera, UK01 linea San Martin kaleko 25. zenbakitik autobus geltokira joango da; hala, Askatasunaren hiribideko 24. zenbakiko geralekua Donostia-Azkoitia zerbitzuko bidaiariak hartzeko erabiliko da bakarrik.
UK09 eta UK10 lineak ere autobus geltokiraino iritsiko dira, eta kanpoko dartsenan egingo dute geldialdia (Federico Garcia Lorca kalea 2). Linea horien Askatasunaren hiribideko geralekua (Donostia-Zumaia lineako bidaiariak hartzeko bakarrik erabiliko da) lekuz aldatuko da; hau da, Askatasunaren hiribideko 24. zenbakian geratu ordez, 34. zenbakian geratuko da.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.