Iruñean entzierroetako hesia jartzen hasi dira
Gareseko Aldaz Anaiak aroztegiko langileek sanferminetarako entzierroen hesia jartzeari ekin diote Iruñean, azken 24 urteetan egin duten bezalaxe.
Iñigo Aldaz, aroztegiko lanen koordinatzaileak esan duenez, eurentzat "ohore handia hemen lan egitea, izan ere, sanferminak mundu guztian dira ezagunak".
Lanak Santo Domingoko eskortetan hasi dituzte, "zehazki oinezkoen aldatsean, ahalik eta gutxien molestatzeko" eta Gaseko eskortetarantz joango dira pixkanaka. Hesi guztiaren instalazioa datorren uztailaren 6ra bitartean luzatuko da, 848 metroko ibilbidea osatu arte.
Uztailaren 6an, goizean, trafikoaren zirkulazioa eten ostean, azpiegitura osatuko da Amaya eta Estafeta kaleetan.
Guztira, 900 zutoin, 2.700 oholtzar eta 4.800 egur-falka jarriko dituzte. Halaber, 70 ate eta hesi bikoitza indartzeko 120 oholesi ere jarriko dituzte.
Erabilitako materialari deritzonez, pieza bakoitza banaka aztertzen dute eta piezaren batek arazoren bat izan ezkero, aldatu egin behar dute. "Momentuz ez dugu izan inongo arazorik piezekin", gaineratu du arotzak.
Zenbakiz eta letrez osatutako kode bati jarraituta jartzen dituzte langileek hesiaren elementuak. "Zutoin bakoitzak edo oholtzar bakoitzak bere toki zehatza dauka", azpimarratu nahi izan du.
Hesiaren muntaketan lau pertsona soilik lanean hasi diren arren, sanferminetan 80 langile izateraino iristen dira, toki batzuetan hesia arineketan jarri eta kendu behar izaten delako.
Hesiaren muntaketan kalterik jasan ditzaketen auzokideek Iruñeko Udaltzaingoaren unean uneko informazioa jasoko dute, haien ibilgailuak bertatik atera ahal izateko.
a ahal izateko. a ahal izateko.Zure interesekoa izan daiteke
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.
B1 maila lau urtean eta 120 euroren truke lortzeko Euskara Bonua aurkeztu du Eusko Jaurlaritzak
Ibone Bengoetxea lehendakariordeak laburbildu duenez, doakotasun politika horren jauzia "hirukoitza" da; izan ere, "burokrazia murrizten du" izapide bakar batera; ikaskuntzaren kostu osoa "nabarmen murrizten du", "% 95eraino"; eta, azkenik, "lau urteko aukera" edukitzea "pizgarria" da, ikasleek B1 maila lortu arte jarrai dezaten.
Adinekoen zentroetan bingoan jokatzeko aukera irekiko du Legebiltzarrak
Proposamena Bilboko zahar-etxe batean izandako polemikaren ondoren etorri da. Zentroan 20 zentimoko kartoiekin jokatzen zuten, eta isunak jasotzeko mehatxua izan zuten.