Donostiako Udalak Cannabisaren elkarte sozialak arautu ahalko ditu
Euskal Autonomia Erkidegoko Justizia Auzitegi Nagusiak arrazoia eman dio Donostiako Udalari eta cannabisaren elkarteak arautzeko daukan ahalmena aitortu dio. Modu honetan, Estatuko Abokatuak Donostiako ordenantzaren aurkako errekurtsoa errefusatu du Auzitegi Nagusiak. 2014ko urriaren 30an onartutako ordenantza honek, elkarte hauen kokalekua soilik arautzen du eta ez, elkarte hauen legezkotasun izaera.
Euskal Auzitegi Nagusiak aintzat hartu ditu Donostiako Udalaren argudioak eta bere esanetan, ordenantzak ez du inondik inora elkarte hauen legezkotasuna eztabaidatzen, ezta haxixaren kontsumoa legeztatzen ere. Auzitegiaren arabera, ordenantzak elkarte hauen kokalekua eta lokalek izan behar dituzten ezaugarriak soilik zehazten ditu.
Eneko Goia, Donsotiako alkateak, modu positiboan baloratu du Udalaren aldeko sententzia hau, izan ere, “hainbatetan zalantzan jarri izan den herri administrazioen autonomia indartzera dator”, gaineratu du alkateak.
Zentzu berean, Donostia gai honetan erreferente bat dela gogorarazi nahi izan du Eneko Goiak, izan ere, Estatuko hainbat hirik Donostiak martxan jarritako ordenantza hau erabili dute.
Albiste gehiago gizartea
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.
Biktimen % 18,4k baino ez du jaso laguntza medikoa edo psikologikoa
Bikotearen barruan eta/edo kanpoan indarkeria jasan dutela adierazi duten emakumeen % 13,9k salatu du noizbait indarkeria hori, eta emakumeen % 16,6k adierazi du botikak, alkohola edo drogak hartu dituela bizitako indarkeriazko gertakariei aurre egiteko.
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.