Pederastia kasuetan 'arduragabe' aritu direnak baztertuko ditu Elizak
Frantzisko aita santuak kaleratu egingo ditu adingabeei edota adindun zaurgarriei egindako sexu-gehiegikeriazko kasuetan arduragabe aritu diren edota informazioa ezkutatzen duten apezpikuak.
Egoitza Santuak aita santuaren agiri bat argitaratu du gaur, eta bertan jasotakoek "sendotu egiten dituzte 'arrazoi larriak' direla medio elizgizon bat kaleratzea zehazten duten Eliz Zuzenbideko Kodeko artikuluak".
"Honako dokumentu honekin zehaztu nahi dudana da aipatu 'arrazoi larrien' artean beren zereginak egiterakoan apezpikuen arduragabekeria dagoela, batez ere adingabeei edota adindun zaurgarriei egindako sexu-gehiegikeriazko kasuetan" esan du aita santuak.
Eliz Zuzenbideko Kodeak 193. artikuluan jasotzen duenez, "inor ezin da emandako ofizio batetik kendu epe mugagabez, 'arrazoi larriak' tartean ez badaude".
Frantzisko aita santuak larunbat honetan aurkeztutako agiriak bost artikulu ditu. Lehendabizikoak zehazten denez, Elizan erantzukizunen bat dutenek "beren kargutik baztertu ahal izango dira, baldin eta arduragabekeriarengatik, hirugarren batzuei kalte eragin dieten jardueren berri ematen ez badu".
Kalte horiek pertsona fisikoen gainekoak izan daitezke edota erkidegoaren beraren gainekoak, eta kaltea "fisikoa, morala, espirituala edo ondarezkoa" izan daiteke.
Apezpiku bat bakarrik bazter daiteke baldin eta, arrazoi objektiboen arabera, bere arduretan oso akats larria egin badu; alabaina, adingabeei egindako sexu-gehiegikerien kasuan, "nahikoa da akats hori 'larria' izatea".
Bigarren eta hirugarren artikuluetan, apezpiku bat kargutik kentzeko egin beharreko prozesuaren nondik norakoak azaltzen ditu aita santuak.
Jokaera arduragabe baten inguruko "zantzu handiak" dauden kasuetan, eskudunak diren Erromako Kuriaren kongregazioek ikerketa bat has dezakete, behin ikerketapean dagoen pertsona jakinaren gainean jarrita. Pertsona horrek bere burua defendatzeko aukera izango du.
Behin epai bat izanda eta apezpikua baztertzea egokia dela erabakita, kongregazioak etete-dekretua publikatzea erabaki dezake edota apezpikuari kargua utzi dezala eska diezaioke, kasuan kasuko nondik norakoen arabera.
Apezpikuak 15 eguneko epea izango du dimisioa emateko, eta epe horren barruan ezer esaten ez badu, kongregazioak orduantxe argitaratuko du etete-dekretua.
Edonola ere, kongregazioaren erabakiak aita santuaren oniritzia beharko du.
Aipatu erreformak bihartik aurrera jarriko da indarrean, Egoitza Santuaren aldizkari ofizialean (L'Osservatore Romano) argitaratzen denean.
Zure interesekoa izan daiteke
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira eta 'Negare' izena jarri dioten polizia operazioak zabalik jarraitzen du. Oraingoz, 28 kaltetu identifikatu dituzte, tartean, Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.