Zenbatekoa da apezpikuen soldata?

Espainiako Apezpikuen Batzarrak 2.155.873 euro bideratzen ditu urtero apezpikuen soldatak ordaintzeko. Eliza katolikoak argitaratu duen txosten baten arabera, apezpiku bakoitzak 1.250 euroko soldata jasotzen du hilero. Gaur egun, 80 apezpiku inguru daude Espainian.

Era berean, Diozesiak ezartzen du zenbatekoa izango den apaizen soldata, 800 euro ingurukoa dena.

Beste alde batetik, Eliza katolikoak argitaratutako txostenak dioenez, 2014an jaso zuten diruaren % 80 mantentze lanei bideratu zuten. Urte horretan, 250 milioi euro eskuratu  zituzten, eta, oro har, 240.282 bataio, 244.252 lehen jaunartze eta 52.495 ezkontza egin zituzten.

Txostenaren helburua gardentasuna erakustea da, eta, jaso duten kopuruaren berri emateaz gain, herritarrek eman dietena zenbat den aipatu dute.

Gaur egun, 10 milioi pertsona inguru aldizka joaten dira mezetara, eta, urtero, 9,5 eukaristia inguru antolatzen dituzte.