Iker Munian sexu abusu auzi batean nahasi du lekuko babestu batek
Iker Muniain Athletic Clubeko jokalariari sexu abusuak egitea egotzi dio lekuko babestu batek, Torbe auziaren baitan. Haur pornografia, sexu erasoa eta sexu esplotazioa egotzita egun espetxean dagoen pornoaren sektoreko enpresaburu bilbotarra da Ignacio Allende Fernandez, Torbe.
eldiario.es webguneak jakinarazi duenez, lekuko horrek David de Gea Manchester Unitedeko jokalaria ere nahasi du sexu abusu auzian. Egun, Espainiako selekzioarekin dago, gaur hastekoa den Eurokopa jokatuko baitu.
Poliziak "sinesgarritasun maila handia" eman dio lekuko horren kontakizunari, eta baztertu egin du deklarazioak bi jokalariei kalte egiteko egin izana.
Aipatutako hedabidearen esanetan, lekuko babestua, emakume bat, Madrilgo hotel batera joan zen, Torbek eramanda, diru asko kobratuko zuela esan baitzion. Hara heldu eta gero, beste emakumezko bat, Muniain bera eta identifikatu ez duten beste jolakari bat ikusi zituen, eta gizonekin sexu harremanak izatera behar tu zuten. Antza denez, De Geak antolatu zuen. Hiru jokalariak Espainiako 21 urtez azpiko selekzioko taldekideak ei ziren une hartan.
"Neska berriari eta TP3ri (lekuko babestua) sexu abusuak egin zizkieten gizonek, eta ezetz esaten bazuten, eraso fisikoak egiten zizkieten. Gainera, bi futbolarien desio sexualak aste eta gero, mehatxu egin zieten, gela horretan gertatutakoa ez kontatzeko. Emakumeek ez zuten ezer kobratu, eta Torbek jaso zituen irabazi guztiak”, gaineratu du.
Madrilgo 29. instrukzio-epaileak Fiskaltzara igorri du lekukoaren testigantza, eta Ministerio Publikoaren jarrera ezagutu arte itxarongo du, futbolarien aurka egin edo ez erabakitzeko.
Futbolariek errugabe direla esan dute
Albistearen berri izan eta gero, Iker Muniainek prentsa ohar labur bat publikatu du bere Twitter profilean, errugabe dela aldarrikatzeko.
Jokalariaren esanetan, biktimak kontatutako "gertakizunak" "guztiz faltsuak" dira, eta hurrengo egunetan abokatu bat izendatuko du, "nire ohorea defendatzeko".
"Espero dut futbol zelaian animatu nauten zale guztiek konfiantza izatea nigan", gaineratu du.
Espainiako selekzioaren kontzentraziotik, David de Gea futbolariak ere errugabe dela ziurtatu, eta dena "faltsua" dela erantsi du.
Torberen txioak
2011 eta 2012 urteetan, Torbe Twitter bidez saiatu zen Muniainekin eta De Gearekin harremanetan jartzen, haren profilean irakur daitekeenez. Ez dago argi jokalariek erantzun ote zioten, baina lekuko babestuaren salaketak frogatu egingo luke azkenean harremanetan jarri zirela.
Ignacio Allende Fernandez Torbe apirilean atxilotu zuten, beste bost pertsonarekin batera, hainbat adingabe bideo pornografikoetan parte hartzera behartzea egotzita, eta epaileak kartzelatu egin zuen.
latu egin zuen.Albiste gehiago gizartea
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.