Euskal irakasleek protestei ekin diete, irailean areagotzeko asmoz
Hezkuntza arloko euskal sindikatuek (ELA, LAB, Steilas, CCOO eta UGT) protestei ekin diete gaur orain dela gutxi Auzitegi Konstituzionalak emandako epai batean jasotzen diren murrizketen aurka. Ildo horretatik jarraituta, jakitera eman dutenez, irailetik aurrera protestak areagotuko dituzte, baldin eta Eusko Jaurlaritzak aipatu epaian jasotzen direnak aplikatzeari uko egiten ez badio.
Ehun bat irakaslek elkarretaratzea egin dute gaur Bilbo, Donostia eta Gasteizeko Hezkuntza ordezkaritzen aurrean "Hezkuntza kalitatea eta lanpostuen defentsan" leloa zuten kartelak eskuan hartuta.
Protestaren arrazoia Auzitegi Konstituzionalaren epai bat da; izan ere, epai horren arabera, Eusko Jaurlaritza behartuta dago irakasleen eskola-orduak 2 eta 3 ordutan areagotzen dituen Errege Dekretua aplikatzera. Gainera, dekretu horrek dio langileen bajak ez direla ordeztu behar bajaren hamargarren egunera arte.
Bilbon egin den elkarretaratzean, protesta deitu duten bozeramaileetako batek (CCOO sindikatuko Pablo García de Vicuñak) hedabideei baieztatu die neurri horiek aplikatzekotan "3.000 lanpostu zuzen jokoan" daudela, eta Eusko Jaurlaritzak egoera zuzentzen ez badu, "irailean gogortasun gehiagoz" jardungo dutela.
"Ez da bakarrik irakasleen arazo bat, baizik eta hezkuntza-sistemarena eta gizartearena berarena. Dagoeneko murrizketak eta kalitatearen galera etengabea jasan ditugu; ez dugu ezertxo ere atzera egingo hezkuntza-sistemaren alderdirik behinenari egingo zaion atentatu sendoa izango denaren aurrean", gaineratu du.
Bere aburuz, Eusko Jaurlaritzari dagokio "zintzotasunez erakustea "a hezkuntza-sistema honetan eta bertako langileengan sinisten duen".
Bere aldetik, ELAko Xabier Irastorzak gogoratu du atzo Eusko Jaurlaritzaren bildu zirela eta euren aldarrikapenak azalarazi zizkiotela, baina "hitz onak besterik ez" zituztela jaso, Errege Dekretuan jasotzen diren neurriak ezarriko ez diren inongo konpromiso edo bermerik gabe.
Aldarrikapen horiek bermatzen ez diren bitartean (eta hori ez da jakingo irailera arte, ikasturtea hasten denera arte), "ez dugu zalantzarik greba eta mobilizazio handiak deituko ditugula", gaineratu du.
Zure interesekoa izan daiteke
Azokak eta landare hazitegiak jendez beteta, udako ereite sasoiari ekiteko
Neguko eta udako baratze arteko zubia izaten da maiatza; azken ilarrak, azak eta babak jaso ondoren, udako barazkiak landatzeko hilabetea izaten da. Ohi baino beranduago, baina eguzkia atera orduko, jendetza inguratu da azoka eta landare hazitegietara, baratzerako hazi bila.
Medikuek mobilizazioekin jarraitzeko asmoa dute Ministerioa negoziatzera esertzen ez den bitartean
Laugarren greba astean sartuta daude medikuak. Lan-baldintza hobeak eskatzen dituzte eta protestan jarraitzeko asmoa dute egoera konponbidean sartu arte. Ez dute greba mugagabea egitea baztertzen.
Facuak hipoteka-klausuletan espezializatutako Bilboko epaitegiaren "kolapsoa" salatu eta neurriak eskatu ditu
Botere Judizialaren Kontseilu Nagusiak organo judizialen "aparteko lan-karga" onartu du, eta kexa Eusko Jaurlaritzako Justiziari helarazi dio.
"Hiztegi bat", Gorka Urbizuren letrekin euskaraz trebatzeko modu berria
Euskara ikasten ari direnentzat zein Berri Txarrak eta Urbizuren jarraitzaileentzat oso baliagarria izan daitekeen Hiztegi bat webgunea sortu du Beñat Erazuma Urbizuren zaleak. Hiru atal ditu webguneak: Alfabetoa, Hutsunea bete jokoa eta abestien atala.
Bularreko minbizia atzemateko baheketa programa 45 eta 74 urte arteko emakumeetara zabalduko da pixkanaka
Orain arte, bi urtean behin baheketa egiteko Estatuko Osasun Publikoaren Batzordeak ezarritako adin tartea 50etik 69ra artekoa zen. Gaur iragarritako neurriarekin, bost urte lehenago hasiko dira azterketa egiten, eta bost urte geroago amaitu.
Genetistek baieztatu egin dute Lukas Aguirreren kasuko labaneko odola biktimarena dela
Gaur lekukotza eman duten ertzainek baieztatu egin dute bi gizonezko akusatuen DNA zegoela gertakarien ondoren topatutako zapatila baten lokarrietan; ustez, akusatu nagusiak berea galdu zuen liskarrean eta errazago ihes egiteko elkarrekin trukatu zuten zapatilan zegoen, zehazki Aguirreren DNA. Bigarren akusatuaren galtzetan ere topatu dute biktimaren DNA.
27 urteko kartzela-zigorra ezarri diote Maialen Mazonen hiltzaileari
Epaileak 25 urteko kartzela-zigorra ezarri dio biktimaren senarrari, azpikeriaz egindako hilketa delitu batengatik, bi abortu delitu, ahaidetasun astungarriarekin (emakumea bikiez haurdun zegoen), eta bi urte adingabea abandonatzeagatik (bikotearen bi urteko alaba bakarrik utzi zuen amaren gorpuaren ondoan, 18 orduz).
Lehendakariak baieztatu du FIFAk "eskakizun berriak" ezarri dituela Munduko Txapelketaren egoitza izateko
Imanol Pradalesek adierazi du alderdi operatibo, logistiko, ekonomiko, finantzario eta segurtasunari loturikoei buruz "hausnartu" egin behar dela, eta euskal erakundeek "herrirako erabakirik onena" hartuko dutela esan du.
Bilbo, errugbiaren lurrikararen epizentroa: Europako finalez gozatzeko gida
Bizkaiko hiriburua errugbiaren epizentroa izango da maiatzaren 22an eta 23an. EPCR Challenge Cup eta Investec Champions Cup lehiaketen finalak hartuko ditu San Mamesek, hiria milaka zalez, doako gune ludikoez, zuzeneko musikaz eta giro ezin hobeaz beteko duen nazioarteko ekitaldian.
Arguedasko hilketako ustezko hiltzailea ostegun honetan izango da epailearen aurrean
43 urteko gizona bere kabuz joan zen astelehenean Valtierrako Guardia Zibilaren kuartelera, eta bikotekideari eraso egin ziola aitortu zuen. Arguedasko Udalak hiru dolu-egun ezarri ditu hilketa matxistagatik, eta herrian gaitzespen elkarretaratzea egin dute biktimaren oroimenez.