Bost gizon atxilotuta Gasteizen eta Nafarroan, genero indarkeriagatik
Bost gizon atxilotu dituzte azken egunetan Gasteizen eta Nafarroan, indarkeria matxistarekin lotutako delituak egotzita, iturri ofizialek jakinarazi dutenez.
Arabako hiriburuarekin hasita, igandean, 16:00etan, 28 urteko gizon bat atzeman zuten Abetxuko auzoan, bikotekideari erasotzeagatik. Bi seme-alabak (bat biena zen, eta bestea gizonarena) adingabeak aurrean zeudela egin zuen erasoa.
Biktimak alaba adingabearekin etxetik ihes egitea lortu zuen, gizona galarazten saiatu bazen ere, eta tratu txarrak ohikoak zirela azaldu zion Poliziari.
Gainera, atzo, 05:00etan, Udaltzaingoak 38 urteko gizonezko bat atxilotu zuen.
Ordu horretan, agenteek oihuak entzun zituzten Martin Luther King kaleko establezimendu batean, eta, sartu zirenean, emakume batek esan zien senarrak eraso egin ziola, eta tratu txarrak ohikoak zirela.
Foru Erkidegoari dagokionez, La Barranca herriko auzokide bat atxilotu dute gaur goizaldean, urruntzeko agindu bat urratzeagatik.
Bestalde, bart gizon bat (41 urtekoa eta Cascanteko bizilaguna) atzeman dute, genero indarkeria delitu bat egotzita. Biktimak etxetik ihes egin zuen, alabarekin batera.
Gaur, halaber, Tafallako 36 urteko auzokide bat atxilotu dute, genero indarkeria, mehatxu egitea eta hertsapena leporatuta. Gizonak mehatxu egin dio emazteari, eta etxetik bota ditu andrea bera eta bi seme-alaba txikiak.
Orotara zortzi gizon atxilotu dituzte ostiraletik Nafarroan, indarkeria matxistarekin lotuta.
________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
uzten fakturan.Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.