Erakundeek Ondarroarako lantalde teknikoa sortu dute
Eusko Jaurlaritzak, Bizkaiko Foru Aldundiak eta Ondarroako Udalak adostu dutenez, lantalde teknikoa sortuko dute, Kamiñaldeko mendi-hegaleko luiziaren arazoari aurre egiteko; luizi horren ondorioz, Ondarroako ehun bat familia daude martxotik euren etxeetatik kanpo.
Erakundeen lana bideratu eta luiziaren ondorioz egindako lanen ordainketari aurre egitea xede, Bilbon bildu dira goizean Eusko Jaurlaritzaren, Foru Aldundiaren eta Udalaren ordezkariak. Udalak dio ezin duela bere gain hartu lanen ordainketa osoa.
Bileran ordezkari hauek izan dira: Josu Erkoreka Herri Administrazio eta Justizia sailburua, Unai Rementeria Bizkaiko Ahaldun Nagusia, Ibone Bengoetxea Herri Administrazio eta Erakunde Harremanetarako ahalduna, eta Zunbeltz Bedialauneta Ondarroako alkatea.
Alkalteak berretsi du: Udalak ezin dio aurre egin laguntzarik gabe
Alkateak berretsi duenez, Ondarroako Udalak ezin dio laguntzarik gabe aurre egin mendi-hegala orekatzeko eta etxebizitzetan dauden kalteak konpontzeko lanen ordainketari. Guztira, 17 milioi euro balio dute lanek.
Erakunde-ordezkariek adostu dute lantalde bat sortzea; bertan, Eusko Jaurlaritza, Foru Aldundia eta Udala izango dira. Arazoa landuko dute eta irtenbide bat topatzen saiatuko dira, bildutakoen iturriek jakitera eman dutenez.
Aurreko martxoan, Ondarroako 176 familia atera zituzten euren etxeetatik, Kamiñaldeko mendi-hegalean izandako luizien ondorioz. Euria erruz bota zuen, eta horregatik jazo ziren luiziak. 70 familia uztailaren 29an bueltatu ziren euren etxeetara, San Inazio kalea ireki ostean, baina ehun bat oraindik daude berdin, etxetik kanpo.
Zure interesekoa izan daiteke
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.