Lau lagun hil eta hainbat zauritu dira tren istripu batean, Galizian
Gutxienez lau pertsona hil eta hainbat zauritu dira gaur, ostirala, goizean Porriñon (Pontevedra) izandako tren istripu batean.
Renfek Europa Press albiste-agentziari adierazi dionez, ezbeharra 09:30 aldera izan da. Comboios de Portugal konpainiaren trena Vigo-Porto ibilbidea egiten ari zen, eta, bat-batean, trenbidetik atera da. Istripua gertatu denean, 65 pertsona zihoazen trenean: 63 bidaiari, makinista eta txartel-ikuskatzailea.
Tren-istripua Porriñoko geltokiaren sarreran izan da. Hori dela eta, dozenaka lagun geltoki horretako kafetegian bertan artatu dituzte.
Hildakoetako bat treneko gidaria da. Eguerdia aldera, larri zaurituta zegoen beste pertsona bat hil dela baieztatu du Eva Garcia de la Torre Porriñoko alkateak. Dagoeneko lau dira beraz istripu horren ondorioz hildakoak.
Garcia de la Torrek nabarmendu duenez, berriki lanak egin dituzte trenbidean, trenak arinago pasa daitezen bertatik.
Jose Carlos Fontoria 061 arreta zentroko zuzendariaren hitzetan, 42 pertsona arin zauritu dira, zazpi larri eta bat oso larri.
Zaurituak Porriñoko geltokiko kafetegian artatu dituzte. Argazkia: EFE
Bagoi bat iraulita eta beste bi erdi iraulita geratu dira
Xuntako Presidentetzatik ohar baten bidez azaldu dutenez, trena hiru bagoiz osatuta dago, horietako bat irauli egin da eta beste biak erdi iraulita gelditu dira.
Hainbat dei jaso ostean, Galiziako 112 larrialdietarako zerbitzuak operatiboa abiatu du. Baixo Miño eskualdeko eta Vigoko suhiltzaileak, Babes Zibileko kideak eta segurtasun agenteak bertaratu dira.
Gainera, Galizia-061 Larrialdi Medikoetarako Zerbitzuak bi mediku talde bidali ditu Santiagotik eta Ourensetik abiatutako helikoptero banatan.
Istripuaren lekua. Argazkia: EFE
Alfonso Rueda Xuntako presidenteordea, Jesus Vazquez Almuiña Galiziako Osasun kontseilaria eta Diputazioko zein inguruko herrietako agintariak ere joan dira ezbeharra izan den tokiera. Eguerdirako, berriz, Rafael Catala Sustapen ministroa espero dute bertan.
Galiziako alderdiek bertan behera utzi dituzte hauteskunde-kanpainan gaurko deituta zituzten ekitaldiak.
Ikerketa, zabalik
Istripuaren ondorioz, Ourense eta Redondela arteko tren-zerbitzua geldituta dago, Renfek jakinarazi duenez.
Bestalde, Adifek ikerketa abiatu du istripua zerk eragin duen argitzeko, eta telefono-zenbaki bat jarri du biktimen senideen esku: 900 101 020.
Adifek eta Renfek doluminak agertu dizkiete hildakoen senide eta lagunei.
Zure interesekoa izan daiteke
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurretek 176 hilobi kaltetu dituzte Errenteriako hilerrian
Gurutzeak, argazkietako markoak eta bestelako apaingarriak… errotik atera dituzte Errenteriako hilerrian. Azken hilabetean bitan gertatu dira lapurretak eta gaurkoan 4 salaketa daude oraingoz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.