Latinoamerikaren arbuio ozena indarkeria matxistaren aurka
Buenos Aireseko obeliskoan, Mexiko Hiriko Independentzia plazan, Txileko Santiagoko Alamedan edota Sao Paoloko kaleetan. Denetan ozen entzun zen asteazkenean indarkeria matxistaren kontrako aldarria.
Protestaren metxa Lucia Perez Argentinako 16 urteko neskatoaren hilketa basatiak piztu zuen. Hainbat gizonek drogatu, bortxatu eta zutoin batean sartu zuten Mar de Platan (Argentina). Hilketak amorrua eragin du herrialdean eta Latinoamerika osoan.
"Ni una menos" taldeak Latinoamerikako hiriburu eta hirietan manifestazioak antolatu zituen, eta herritarrek berehala erantzun zioten deialdiari.
"Asteazken beltza" lelopean, milaka pertsona batu ziren Buenos Airesen (Argentina). Beltzez jakintza, "Bat ere gutxiago, ez" eta "Bizirik nahi dugu egon" leloak oihukatu zituzten. Urtero 200 hilketa matxista daude Argentinan.
Montevideon ere (Uruguai), manifestazio jendetsua egin zuten euripean, "Kalera atera gara amorruak eta saminak bultzatuta" lelopean. 2016ko lehen 10 hilabeteotan genero indarkeriarekin lotutako 21.985 salaketa jaso ditu Uruguaiko Emakumearen Institutuak.
Emakume bat Montevideon egindako protestan. EFE
Txilen, hiriburuko kale nagusitik egin zuten martxa. Ehunka milaka emakumek genero indarkeriarekin lotutako zigorrak gogortzea eskatu du zuten, beltzez jantzita.
Michelle Bachelet presidenteak, Txileko Fiskaltzak eta beste erakunde batzuetako arduradunek sare sozialetara eraman zuten indarkeriaren kontrako aldarria. Datu ez ofizialen arabera, 39 emakume hil dituzte aurten.
Txileko protestetako une bat. EFE
Maila apalago batean, Argentinan hildako emakumearekiko elkartasuna adierazi zioten ehunka emakumek Sao Paulon (Brasil). Tankerako protestak egon ziren Asuncionen (Paraguay), La Pazen (Bolivia) eta Liman (Peru).
Erdialdeko Amerikan daude indarkeria matxista kasu gehien, Honduras, El Salvador eta Guatemala zerrenda beltzaren buru direla, NBEk 2015ari dagokion datuen arabera.
Mexiko hirikoa martxa jendetsua izan zen. Kolore beltza eta morea nagusi zirela, Independentziaren Aingerua bezala ezagutzen den monumentuaren inguruan bildu ziren manifestariak.
Genero Berdintasunaren Latinoamerikako eta Karibeko Behatokiak emandako datuen arabera, gutxienez 1.678 emakume hil zituzten 2014an genero indarkeriarekin lotuta.
Zure interesekoa izan daiteke
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia heldu da, eta programazioaren zati handi bat kolokan dago, greba dela eta
Blusen eta nesken koadrilek Andre Maria Zuriari egindako lore eskaintza eta aurreskua izango dira asteazken honetan Gasteizko jaietako egun nagusiko ekitaldi nagusiak. Ikuskizunetako teknikarien grebak La pasión infinita lanaren funtzioa bertan behera uztera behartu du dagoeneko, eta programaren beste ekitaldi batzuk zalantzan mantentzen ditu.
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoaren 3ko sarraskia gogoan, Zeledonek hasiera eman die Ama Zuriaren jaiei
Baskoniaren ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.