Megakamioia, Nafarroatik zehar ibiltzeko baimenen zain
Astearte iluntzetik Gipuzkoako errepideak zeharkatzen ari den ia 100 metro luzeko megakamioia Ikaztegietara heldu da gaur goizaldean, nahiz eta Beasainera arte iritsi behar zen, atzo gauean Zamalbidetik (Errenteria) atera ondoren. Hori dela eta, gaueko 22:00etan aterako da kamioitzarra Ikaztegietatik, aurreikusitako ordua baino ordu eta erdi lehenago, atzoko etapan galdutako denbora berreskuratze asmoz.
Bere hurrengo erronka Etzegarate gaina igotzea izango da, eta bertan geratuko da aparkatuta Alaska hotelaren inguruan; hau da, Gipuzkoako mugatik oso gertu baina Nafarroako lurraldean. Leku hori Gipuzkoako eta Nafarroako arduradunen artean adostu dute, baina litekeena da bertan geratzea gutxienez 48 orduz, garraioa-enpresako iturriek aditzera eman dutenez.
Izan ere, ostegun goizeko datuen arabera, garraio erraldoia Nafarroan sartzeko eta bertako errepideetatik bidea egiteko arazoak daude, Foru Erkidegoko Herri Lanetako Zuzendaritzak ez baitu horretarako behin betiko baimenik eman oraindik.
eitb.eus-ek jakin duenez, Foruzaingoa Herri Lanetako Zuzendaritzaren baimenaren zain dago garraioaren logistika zailari arreta eskaintzeko.
Aipatu garraio berezia Japoniatik bidali duten haize-sorgailu erraldoi baten makineria-kaxa Pasaiatik Zangozara eramaten ari da. Alabaina, horren ezohiko neurriek (94,81 metroko luzera, 6,5 metroko zabalera, 5,3 metroko altuera eta 514,4 tonako pisua) izugarri zailtzen dute pieza hori garraiatzeko lana. Ezinbestekoa da garraio bereziak igaroko dituen bideak aurretik aztertzea, ibilbiderik egokiena hautatzeko. Ibilbidearen azterketa txosten batean jaso dute, eta, hain zuzen ere, txosten horrek oraindik ez du azken baimena jaso.
Zangozako laborategietan aztertu beharreko prototipoa
Hitachi enpresa japoniarrak muturreko eguraldia jasango duten haize-sorgailuak jarri nahi ditu Japoniako itsasoan. Alabaina, haize-sorgailu horien piezak homologatu behar ditu, eta horregatik bidali dute Zangozako laborategira.
Helmugara iritsitakoan, zenbait hilabetetan Zangozako laborategian homologatzeko probak egin ostean, makineria-kaxa erraldoiak kontrako bidea egingo du, Zangozatik Pasaiako portura, eta bertatik Japoniara bidaliko dute, itsasontziz.
e, itsasontziz. e, itsasontziz. e, itsasontziz. e, itsasontziz.Zure interesekoa izan daiteke
Bonelli arranoaren itzulera: bi kume berrik itxaropena piztu dute berriro Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekartzearekin baina, bertakoekin gurutzatu eta kume berriak izan dituzte. Aurten bi, Nafarroan: Ida eta Ondallu.
Eusko Jaurlaritzak euskara Babes Bereziko Kultura Ondasun Immaterial izendatzeko prozesuari ekin dio
Ekimen horren bidez, euskarari "euskarari prestigio handiagoa eta aitortza juridiko eta administratibo sendoagoa" eman nahi dio.
Berriro itzali dute Derion, Loiuko aireportutik gertu, berpiztu zen sutea
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean jardun dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.