Zaku bete opariz jaitsi da Olentzero menditik
Euskal Herri osoko milaka haur Olentzeroren zain egon dira gaur, abenduak 24. Mari Domingirekin batera, ikazkin ezaguna gure herri eta hirietako kaleetan izan baitira larunbat honetan. Hala, desfileak, harrerak... eta ilusio andana izan da gaur kalean, arratsalde-gau magikoan.
Hemen duzu Bilbon, Gasteizen, Donostian eta Iruñean izan diren ekitaldien laburpena.
Bilbo
Olentzero ostiral arratsaldez heldu zen Bilboko Arriaga Antzokira, Mari Domingirekin, galtzagorriekin, Basajaunekin eta lamiekin batera. Guztiek Kale Nagusia zeharkatu zuten eta Arriaga Antzokian eman zuten gaua. Larunbat honetan, 11:00etatik 14:00etara, antzokira bertaratu diren ume guztiak hartu ditu. Sarreran ordena bermatzeko, Bilboko Udalak tiket sistema berri bat erabili du, eta Areatzako txurro-dendaren ondoan jarri duten kasetan banatu dituzte txartelak. Gehienez hiru tiket hartu ahal izan dira (umeekin doazen nagusiek ez dute tiketik behar izan). Guztira 1.500 tiket banatu dira, eta horien arabera sartuko dira umeak Arriaga antzokira.
Donostia
Olentzero eta Mari Domingi arratsaldean iritsi dira Donostiara. 18:30etik aurrera Gipuzkoako hiriburuko kale nagusiak zeharkatu dituzte, Erraldoi eta Buruhandien konpartsarekin batera, ume guztiak agurtzeko. Koro Ama Birjiniaren balkoira atera dira arratsaldeko 16:00etan. Bertan, Eskola eta Gero Axular dantza taldeek agurtuko dituzte. Erraldoi eta Buruhandien konpartsarekin batera udaletxeraino zuzendu dira. Jarraian, Alderdi Ederren bildutako ume guztiak agurtu dituzte. 16:30etik 18:00etara, Olentzero eta Mari Domingi Udalbatza aretoan egon dira hurbildu diren haur guztiei harrera egiteko eta gutunak jasotzeko. Ordu erdi beranduago, 18:30ean, hiriko erdiguneko kaleak zeharkatuko dituen kalejira hasiko da. Ibilbidea ondorengoa izango da: Boulevardetik irten eta Hernani, Loiola, San Martzial, Getaria, Askatasunaren hiribidea, Txurruka, Gipuzkoa plaza, Elkano kalea eta Alderdi Eder (udaletxearen aurrean).
Gasteiz
09:45ean Gorka Urtaran Gasteizko alkateak eta Estibaliz Canto Kultura zinegotziak Olentzero hartu dute Gasteizko Udalean. Ondoren, Olentzerok udaletxean agurtu ditu Gasteizeko haurrak, 10:00etatik 15:00etara. Han jaso ditu umeek ilusio osoz idatzitako eskutitzak.
Arratsaldean, desfilea izan da, 18:00etan, honako ibilbide honekin: Iparralde hiri-zentroa, Legutiano Portaleko kalea, Frantzia kalea, Bake kalea, Olagibel kalea eta Espainiako plaza. Udaletxeko balkoi nagusitik bere kanta ezaguna abestu da, 19:00etan.
Iruñea
Olentzerok goxokiak banatu eta umeek ilusioz beteta idatzitako eskutitzak jaso ditu Iruñeko udaletxean, goizez, 11:00etatik 13:00etara. Martin Azpilcueta kalean ere ibili da, 12:00etatik aurrera, eta, besteak beste, txokolatadaz gozatu ahal izan dute bertaratu direnek.
Desfilea 18:00etan hasi da, eta ondorengo ibilbide hau izan du: Iruñeko Arte Eskola (Iturralde eta Suit kalea), Paulino Caballero, Nafarroako Gorteen kalea, Karlos III.a, Gazteluko plaza, Txapitela kalea, Mercaderes, Estafeta eta Amaia; Iturralden eta Suiten amaituko da. Kaleak animatzea Arrotxapea auzoko zangaluzeen esku egongo da.
Ondoren, 19:00ak pasata, udaletxean egin diote harrera Olentzerori Joseba Asiron alkateak eta udalbatzako kideek. Puntu horretan, La Pamplonesa musika-banda batu da Gabonetako ekitaldi horretara lehenengo aldiz.
Asironek zapi bat jarri dio Olentzerori Iruñeko armarriarekin eta honako leloarekin: "Iruñeko Udala. Olentzero 2016", ikazkinaren figuraren eta tradizioaren omenez; izan ere, aurten 60 urte bete ditu San Antonio elkarteko gazteek 1956. urtean sortu zutenetik.
Albiste gehiago gizartea
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.