Bilbon izandako sexu-erasoaren ustezko egilea atxilotu dute
21 urteko gizonezko bat atxilotu du Ertzaintzak, Beasainen (Gipuzkoa), abenduaren 6ko goizaldean 19 urteko neska bati Bilbon egindako sexu-erasoa egotzita, Segurtasun Sailak jakitera eman duenez.
Gertaera abenduaren 6an izan zen, Casilda Iturrizar parkean. Egun hartan, Ertzaintzak ustezko delituaren berri izan zuen, biktima, ospitaletik pasatu ostean, gertaerak salatzera joan zelako.
Biktimaren kontaketaren arabera, gazteak gaua hainbat lagunekin igaro zuen, Indautxuko lokal eta diskotekatan, Bilbon, eta lokaletako batean ustezko erasotzailearekin topo egin zuen.
Abenduaren 6ko 8:30 aldera Kasilda Iturrizar parkeko lorategi batean esnatu zen, Zubiartetik hurbil. Bere ondoan gizon bat zegoen, eta berarekin alde egin zuen handik, pixka bat geroago bananduz. Biktimak ez zuen gertatutakoa gogoratzen, baina auzitegiko medikuak esandakoaren arabera, sexu-eraso baten zantzuak zituen.
Ertzaintzak ikerketa abiarazi eta ustezko erasotzailea identifikatu zuen; astelehen honetan atxilotu zuen, Beasainen. Tolosako guardiako epaitegiaren baimenarekin, atxilotua Bilboko ertzain-etxera eraman zuten, dagokion epaitegira eramateko zain.
_________________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.