850 parte-hartzaile baino gehiago, Iruñeko Errege Kabalgatan
850 pertsonak baino gehiagok parte hartuko dute, ostegun honetan, Iruñeko Errege kabalgatan, eta hiru Errege magoek 2.000 kilo gozoki banatuko dituzte.
Aurreko urteetan bezala, Errege magoak arratsaldeko lauretan iritsiko dira Magdalena zubira, dromedarioen gainean. Aurten, berritasun gisara, La Pamplonesa udal bandak musikaz alaituko du itxaronaldia.
Ordu-erdi geroago hasiko da azken urteotan ikusmin gehien eragiten duen unea, hots, Frantziako atearen irekiera ekitaldia. Errege magoek atea igarotzen dutenean Katedraleko, San Nikolas elizako, San Cerningo, San Lorentzo elizako eta San Migel elizako kanpaiak entzun ahal izango dira, bata bestearen segidan.
Errege magoek Carmen, Navarreria eta Mercaderes kaleak zeharkatu ostean, 17:00etan iritsiko dira Udaletxe plazara, eta Joseba Asiron Iruñeko alkateak harrera egingo die atarian.
Aurtengo beste berritasunetako bat honako hau izango da: Meltxor, Gaspar eta Baltasar udaletxeko lehen solairura igoko dira, eta balkoietara aterako dira, plazan dauden pertsonak agurtzeko eta hitz batzuk esateko.
Kabalgata 19:00etan hasiko da, eta aurretik su artifizialak izango dira. Desfilea Santa Katalinako Eskolatik irtengo da, Abejeras kalean, eta Guraso Eskolapioen Eskolan amaituko da, 21:30 aldera.
Ibilbidea azken urteotako berbera izango da: Abejeras kalea, Foruen plaza, Yanguas eta Miranda, Oliveto kondearen etorbidea, Viana Printzearen plaza, Antso Nagusiaren kalea, Vinculo plaza, Sarasate pasealekua, Gaztelu plaza, Carlos III etorbidea, Nafarroako Gorteen kalea, Amaia eta Arrieta; Escolapioetan amaituko da.
Zure interesekoa izan daiteke
Sei pertsona zauritu dira Galdakaon, taberna bateko sabai faltsua erorita
Gertaera 19:15ak aldera izan da, Agirre Lehendakariaren kaleko taberna batean.
Ortuellako kiroldegia itxi dute gimnasioko estalkiaren zati bat hondoratu ostean
Sabaiaren kolapsoaren ondorioz, udal gimnasioa eta atletismo-pista itxi behar izan dituzte, baina ez da inor zauritu.
Sei planeta eta Ilargia dira otsail amaierako planeta-lerrokadura handiaren protagonistak
Iluntzeko zeruak ikuskizun astronomiko bereziki deigarria eskainiko digu otsaileko azken egunetan. Virginia Garcia Aranzadiko astronomoak azaldu du zein sei planetak egingo duten bat zeruan.
Abeltzaintzarekin loturarik ez duen pertsona bat txerri gripearekin kutsatu da Katalunian
Birus horrek ez du kutsatutako pertsona horren osasunean eraginik izan, eta, beraz, ez du osasun publikoa arriskuan jarri. Kutsatuak gaixotasun kronikoak ditu, eta urtarrilaren 30ean, gaitza atzeman ziotenean, gripearen sintomekin zerikusirik ez zuten beste arrazoi batzuengatik joan zen ospitalera.
Gizon bat zauritu dute Arrasaten, suzko arma batekin
EITBk jakin duenez, pertsona bat atxilotu dute. Zauritua Debagoieneko Ospitalera eraman dute, Arrasatera.
Osasun Publikoak neurketak egiten jarraituko du Muskizen, prebentzio-neurriak bertan behera utzi ondoren
Petronorrek barkamena eskatu du, "gorabehera horrek eragindako eragozpenengatik". Azken orduetan egin diren neurketen emaitzek egiaztatu dute bentzeno-mailak murriztu eta egonkortu egin direla, Eusko Jaurlaritzaren arabera.
Bentzenoa, gasolinan dagoen likido lurrunkorra, ez da arriskutsua, "esposizio luzeetan" izan ezik
Nestor Etxebarria EHUko Kimika Analitikoa Saileko irakasle eta ikertzailearen ustez, barruko espazio itxietan egoteko eta ateak eta leihoak itxita edukitzeko eman diren gomendioak "egokiak" dira. "Fokua kontrolatuta dagoen bitartean, ihesak luze irauteko arriskurik ez badago, ez da egoera kezkagarria", erantsi du.
Osakidetzako covid iraunkorraren unitateak 200 paziente baino gehiago artatu ditu lehen urtean
Sindrome honen ezaugarri nagusia da sintomek lehen infekzioaren ondoren gutxienez hiru hilabetez irautea. Muturreko nekea, arnasa hartzeko zailtasunak eta narriadura kognitiboa dira sintoma nagusiak
Bi gizon atxilotu dituzte Gasteizen, pertsonen legez kanpoko trafikoa egotzita
Trafiko-kontrol batean ohartu dira 9 lagunentzako furgoneta batean 15 pertsona zihoazela, egoera penagarrian, Portugalera bidean.
Zierbenan "ez dago osasunerako inolako arriskurik", Udalaren arabera
Udalak adierazi duenez, Eusko Jaurlaritzako Osasun Sailak emandako prebentzio-gomendioak Muskizera eta Abantora mugatzen dira, eta "udalerriko jarduera normaltasun osoz garatzen ari da".