Bilboko metroak geltoki guztietara zabalduko du WiFi sarea
Bilboko metroaren 1 eta 2 lineako geltoki guztiek doako WiFi zerbitzua eskainiko dute 2022an, Metro Bilbao konpainiak ohar batean jakinarazi duenez.
Wifinova enpresarekin duen kontratua luzatu du konpainiak, eta hala, datozen bost urteetan, zerbitzua "apurka-apurka" zabaltzen joan dira. Gaur-gaurkoz, 10 geltokik eskaintzen dute WiFia doan.
2015ean, proiektu pilotua jarri zuen abian Metro Bilbaok, 10 geltokitan doako WiFia jarrita. 2016 amaierara arte, 7.502.612 bisita jaso ditu TUWI atariak (honen bidez konektatu behar da erabiltzailea), eta Interneterako 3.290.963 sarbide egon dira. Batez beste, 365.000 bisita izan dira azken urtean; 156.000 sarbide hilean.
Metroak emandako datuen arabera, 2016an bisita gehien jaso dituen geltokia San Mames izan da (% 16), eta Moyua eta Zazpikaleak dira zerrendan hurrengo (% 13 eta % 12, hurrenez hurren). Gurutzetako eta Areetako geltokietan ere aipagarria da erabilpena (bisiten % 11). Zerbitzua astelehenetik ostegunera erabiltzen da gehienbat. Iaz, azaroaren 24an zenbatu zituzten bisita gehien (20.485), Athletic-Sassuolo partidaren egunean, hain justu.
TUWI atarira konektatuta, geltoki eta eguneko, gutxienez 15 minutuko Interneterako doako sarbidea dute erabiltzaileek.
Bizkaiko eremu publikoetan WiFi sare gehien kudeatzen dituen enpresa da Wifinova. Administrazio publikoei, merkataritzaguneei eta ospitaleei ematen die zerbitzua, besteak beste. WiFi Kudeaketarako Plataformetako baten jabea da; horri esker, sarbide segurua eta erakargarria eskain dezake.
Albiste gehiago gizartea
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.