4,2 graduko lurrikara izan da Iruñerrian
Richter eskalan 4,2 graduko indarra izan duen lurrikara izan da gaur, ostirala, goizean Iruñerrian (Nafarroa), eta Lapurdiko eta Gipuzkoako zenbait puntutan ere nabaritu da.
Geografia Institutu Nazionalak emandako datuen arabera, epizentroa Orikainen kokatu da, kilometro bateko sakoneran, 07:43ean.
3-4 segundo inguruko iraupena izan du sismoak; oraindik ez dakite kalterik eragin ote dituen.
Lurrikara hainbat lekutan sentitu da, besteak beste, Tolosa, Ordizia, Donostia, Leitza, Irun, Astigarraga eta Hendaian.
Hiritarrek dardara txikia sentitu dute etxe barruetan, altzariak eta apalak mugitu, eta kalean zeuden oinezko batzuek martxa gelditu dute.
Gaur izan diren dardaren mapa. Argazkia: IGN
Hasiera, Markalainen kokatu du IGNk (Sustapen Ministerioaren parte da) epizentroa, 5 km-ko sakoneran, baina, handik gutxira okerra zuzendu eta Orkainen izan dela zehaztu du.
#terremoto 10/03/2017 06:43:36GMT E MARCALÁIN.NA mag=4.0 prof=5km cálculo provisional https://t.co/ybntAr7tGA
— IGN Sismologia (@IGN_Sismologia) 10 de marzo de 2017
#terremoto 10/03/2017 06:43:35GMT E ORICÁIN.NA mag=4.4 prof=1km cálculo revisado https://t.co/CqCUSQaa2V
— IGN Sismologia (@IGN_Sismologia) 10 de marzo de 2017
Lehen sismotik bost minutu ingurura, Richter eskalan 2,5 graduko indarra hartu duen beste berri bat erregistratu dute, Eguesen, zehaztu ez duten sakoneran.
Bigarren sismoaren kokapena. Argazkia: IGN
Erreplikak espero dira
Bestalde, gaur goizeko lurrikararen ondotik erreplikak egotea aurreikusi dute, baina litekeena da ahulagoak izatea, Carlos Gonzalez IGNko kideak EFEri azaldu dionez.
Gaurkoa bezalakorik gertatzea "nahiko normala" da, Pirinioen gune sismikoaren eraginpean baitago. Gonzalezen esanetan, 1982tik erregistratu den 4 graduko edo lautik gorako seigarren sismoa da.
Beste erreplikaren bat ere egotea espero dute, baina orduak igaro ahala izateko aukera gutxiago daude, eta litekeena da bihar bat ere ez egotea, erantsi du Gonzalezek.
Arraila zabaldu den etxe bateko horma, Orkainen. Argazkia: EFE
SOS Nafarroak ez du irteerarik egin
Foru Gobernuak baieztatu du SOS Nafarroa zerbitzuak ez duela ekipo bat ere ez mugiarazi lurrikararen ondorioz.
Zehaztu duenez, dardara "Iruñerria osoan sentitu da, epizentroa lurrazaletik oso gertu izan duelako", halere, "momentura arte ez da kalte materialik ezta zauriturik zenbatu".
Larrialdietarako zerbitzuak, baina, "ehunka dei jaso ditu, hori dela eta, lurrikararen gaineko informazioa izateko 112 zenbakira ez deitzea eskatu die herritarrei, soilik kalteen berri emateko".
Gobernuaren datuen arabera, Nafarroako eraikinen kalitatearen maila nazio mailakoa baino altuagoa da, eta arrisku sismikoa "txikia" da.
Orkainen gaurko argazkia. Iturria: EFE
Albiste gehiago gizartea
Joxe Azurmendi, euskararen eta euskal kulturaren aldeko ekintzaile nekaezina
Zegaman jaioa, Azurmendi Jakin taldeko kide aktiboa izan da aldizkaria Francoren debekuaren ondoren bigarren aldiz sortu zenetik. Beste erakunde batzuekin ere kolaboratu zuen euskararen normalizazioan, kulturan eta bakegintzan.
EHUk "jakintzaren demokratizazioan funtsezko rola jokatzen jarraitu" behar duela defendatu du Pradalesek
Imanol Pradales lehendakariak inauguratu du Donostian Euskal Herriko Unibertsitatearen (EHU) Udako Ikastaroen 44. edizioa. Ekitaldi horretan, Miren Arzalluz Guggenheim Bilbao Museoko zuzendari nagusiak ikasgai magistrala eman du "Mugarik gabeko artea. Mugak gainditzen, lengoaiak esploratzen" izenburupean.
Joxe Azurmendi, filosofo eta pentsalari zegamarra, zendu da 84 urte zituela
Jakin aldizkariak azpimarratu duenez, "pentsamendu itzela utzi diguzu. Hura lantzen jarraituko dugu, beti eskatu izan diguzun bezala, zu (eta inor) jainkotu gabe, baina maisu-maistrak aitortuz". Aldizkari historiko horrek nabarmendu duenez, Azurmendiren pentsamendua funtsezkoa izan zen joan den mendeko 60ko eta 70eko hamarkadetan euskara eta euskal kultura berritu eta bultzatzeko.
Zer gertatzen da gure datu pertsonalekin hotel batean ostatu hartzen dugunean?
Segurtasunagatik, hotelek informazio jakin bat bildu eta Ertzaintzarekin partekatu behar dute, baina muga argi batzuk ezin dituzte gainditu. Adibidez, ez dute eskubiderik gure NANa fotokopiatu edo eskaneatzeko.
Katalunian inoiz ikusi ez den hedapen-abiadura duen sute batek bi pertsona hil ditu
Lleidan atzo piztutako "seigarren belaunaldiko" baso-sute bortitzak, bi hildako eta Katalunian inoiz ikusi ez diren erregistroak utzi ditu: 17 kilometroko pirokumulua eta 28 kilometro orduko hedapen-abiadura, denbora gutxian 5.300 hektarea kiskali zituena.
Igandean salatutako sexu-erasoa gaitzesteko elkarretaratzea egin dute Donostian
Eider Mendoza Gipuzkoako ahaldun nagusiak eta Eneko Goia Donostiako alkateak iragan larunbatean Donostian gertatutako erasoa gaitzetsi dute. Alderdi guztietako ordezkariek eta beste kargu publiko batzuek ere hartu dute parte elkarretaratze isilean.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Kontxako ura 24,3 ºC-tan dago, uztailaren lehenean inoz izan den tenperatura altuena
Duela 78 urtetik hona, Donostiako Aquariumak egunero neurtzen du, 10:00etan, uraren tenperatura. Gaurko tenperaturak maximo historikoa markatu du. 1947tik, estreinakoz neurtu da uztailaren lehen egunean hain tenperatura altua uretan.
Euskadin, sexu bidezko infekzioen kopurua bikoiztu egin da azken urtean, eta GIB kasuen kopurua mantendu da
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.