Udaberria heldu ondoren, elurra eta hotza
Eusko Jaurlaritzaren Larrialdiei Aurre Egiteko eta Meteorologiako Zuzendaritzak abisu horia ezarri du gaurko, muturreko tenperatura baxuengatik eta izotzagatik, 00:00etatik 10:00etara.
Euskalmet Euskal Meteorologia Agentziak zabaldu duenez, ostiralean, giro aldakorrarekin jarraituko dugu. Goizean, giro lasaia izango dugu, eta ostarte zabalak agertuko dira.
Arratsaldean, hodeiak ugariagoak izango dira; zaparradak botako ditu, barnealdean bereziki, eta, ondoren, gauean, lurraldearen ekialdera hedatuko dira. Elur-kota 1.000-1.200 metro inguruan egongo da. Tenperaturak gora egingo du apur bat, baina izotza egingo du barnealdean goizaldean eta goizean goiz.
Larunbata euritsua izango da. Zerua estalita egongo da, eta euria egingo du edonon goizean eta ia arratsalde osoan. Gauean, pixkanaka atertuz joango da. Elur-kota 1.000-1.200 metroan kokatuko da goizean, eta 1.300 metrora igoko da gero. Ipar-ekialdeko haizea ibiliko da, eta hego-ekialdera aldatuko da arratsaldean. Tenperatura minimoak nabarmen igoko dira; maximoak, berriz, ostiralekoak baino 2-3 ºC baxuagoak izango dira.
Zure interesekoa izan daiteke
Sei urteko kartzela-zigorra ezarri diote gizon bati bikotekidea bortxatzeagatik eta etengabe tratu txarrak emateagatik, Nafarroan
Indarkeria matxistaren biktimei arreta integrala emateko akordioak 25 urte bete ditu
Urdako tren istripuaren biktimen aldeko hileta elizkizuna azaroaren 12an egingo dute Toledoko katedralean
Orioko Udalak Jaurlaritzari galdegin dio konpon dezala berehala duela 40 egun su hartu zuen ontziak eragindako egoera
Anderren heriotzan inplikatutako agenteei espedientea egitea baztertu duen alkatetzaren dekretua errekurritu egin dute
Horrela eragingo die trafikoari eta oinezkoei Reala-Olympique Lyon partidagatik ezarritako segurtasun dispositiboak
EITB Maratoiaren bideoklipa: "Elektrizitatea"
Duela 31.500 urteko haitzuloetako lehoi baten hezurdura osoa aurkitu dute Mendaron
Euskalduna jauregia, nazioarteko Eventex sailkapenean lehena
