Bilboko Metroaren 3. linea, doan larunbatean, 12:00etatik 20:00etara
Euskotrenek martxan jarriko du larunbat honetan Bilboko Metroaren 3. linea. Inaugurazio bidaian lehendakaria, Iñigo Urkullu, eta Bizkaiko ahaldun nagusia, Unai Rementeria, izango dira. Jarraian, 12:02ean herritarrentzat irekiko da zerbitzua, eta doan bidaiatu ahal izango dute 20:00ak arte. Txorierriko erabiltzaileek doan bidaiatu ahalko dute goizeko lehen zerbitzutik.
Jardunaldia animatzeko, hainbat ekitaldi egingo dira 3. lineako geltokietan. Bilboko Koralak, Enrique Azurza buru duela, lehenengoak izango dira ekitaldia eskaintzen. Matikon egingo dute, jarraigo ofizialaren aurrean, metroko 1go eta 2. lineen inagurazioan egin duen bezala.
Hortik aurrera, hurrengo ekitaldiak izango dira ikusgai: Matikon Uribarriko Abesbatza izango da 12:30ean, sarbidean; Uribarrin, 12:00etatik 14:00etara, euskal nekazaritzako produktuen dastatzea egongo da, eta 13:30ean, Uribarriko Abesbatzak abestuko du sarbidean.
Zazpikaleak geltokian, 12:00etan, Go!azen telesailaren aktoreak antzeztuko dira sarbidearen aurrean, eta 13:30ean, Daniel Merinok eta Josu Aguinagak (La Olako BBK Music Legends Festival) kontzertuaren lehen emanaldia egingo dute geltoki barruan. 17:30ean bigarren emanaldia egingo dute Daniel Merinok eta Josu Aguinagak.
Zurbaranbarri geltokian, 12:00etatik 14:00etara, euskal nekazaritzako produktuen dastatzea izango da, eta 18:30ean Iturriondo Plazan Break Dance emanaldia egingo dute. Txurdinagan, egun osoan zehar, Bihotz Alaiak antolatutako Haurrentzako Jardunaldiak egingo dira Artazuriña kalean.
Otxarkoaga geltokian, 12:30ean "Aullidos de Otxarkoaga" antzerkia ikusteko aukera jarriko dute, eta 18:00etan, bigarren emanaldi bat egingo dute geltoki barruan.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.