EAJk, PSE-EEk eta PPk Errekaleor eraisteko proiektua esleitzea onartu dute
Gasteizko udal-gobernuak (EAJ eta PSE) eta PPk Errekaleor auzo okupa eraisteko proiektua idazteko esleipena kaleratzea adostu dute. 50.000 euroko aurrekontua izango du proiektuak, eta uztailaren 14an amaituko da proposamenak aurkezteko epea.
Ensanche 21 udal elkartearen kontseiluan hartu dute erabakia, gaur arratsaldeko bileran, eta hiru alderdiek 150 okupa barne hartzen dituen auzoa eraisteko proiektuaren idazketa lehiaketara ateratzeko gehiengoa lortu dute.
PPk sei hilabeteko epea nahi du auzoa eraisteko, baina udal-gobernuak eperik jarri ez duenez, aholkulari juridikoei txostena eskatu die prozesu guztia ahalik eta azkarren nola egin jakiteko, popularren iturrietatik jakitera eman dutenez.
Udal-gobernuak eraisteko izapideak urtebetean amaitzea proposatu du, eta ondoren auzoa jendez hustea.
EH Bildu eraistearen kontra dago, eta operazioa "higiezinen bullyinga" dela esan du, hau da, bertako bizilagunak kanporatzea etxe berriak sustatzeko.
Podemos "harrituta" geratu da akordio horrengatik, "eskatu ere egin ez duten baimen judiziala" behar dutelako prozesua burura eramateko. "Urtaranek argindar zerbitzua eten zuen ezkutuko desalojo bat egiteko", gaineratu du Podemosek.
Okupek txostenak aurkeztuko dituzte
Bestalde, Errekaleorreko okupek arkitektoek egindako txosten teknikoak prestatuko dituzte etxeak seguruak direla frogatzeko.
Errekaleor Bizirik elkarteak, era berean, 500 eguzki plaka jartzeko eta auzoak "energia subiranotasuna lortzeko" 100.000 euro bildu nahi ditu, eta mikrofinantziazio kanpaina jarri du abian.
jarri du abian.Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.