ISISen ustezko sei kide atxilotuta Espainia, Alemania eta Erresuma Batuan
Espainiako, Alemaniako eta Erresuma Batuko segurtasun indarrek sei pertsona atxilotu dituzte gaur, asteazkena, Estatu Islamikoaren kide izatea leporatuta, Espainiako Barne Ministerioak ohar baten bidez zabaldu duenez.
Horietatik, lau Palman (Mallorca) atxilotu dituzte, eta beste biak, Erresuma Batuan eta Alemanian. Han, "hainbat miaketa" egiten ari dira oraindik, operazioarekin lotuta.
Mallorcan atxilotutako lau pertsonetatik, bi Inca udalerrian atzeman dituzte, bat Arianyn eta beste bat Binissalemen.
Erresuma Batuan egindako operazioan, 44 gizonezko bat atxilotu dute Birminghameko Sparkhill auzoan. Atxiloketa West Midlandseko (Ingalaterra erdigunean) terrorismoaren aurkako unitateko agenteek egin dute.
Barne Ministerioaren arabera, taldeak adarrak zituen nazioartean, eta "ikus-entzunezko muturreko materiala" ekoitzi eta hedatzen zuen. Gainera, bilera klandestinoak egiten zituen astean behin, "euren ideiekin bat egiten zuten gazteak erakartzeko", gatazka guneetara joan daitezen.
Operazioa 2015ean hasi zen, agintariek zenbait bideo atzeman zituztenean, webgune batean. Horietan, "Espainian bizi zen gazte musulman baten prozesua ikus zitekeen", gaztea "doktrinatu eta erakarri zuten, eta Siriara joan zen ondoren".
"Grabazioaren erantzulea identifikatu zuten: imam salafista bat. Erresuma Batuan atxilotu dute, eta Europako zenbait herrialde ikertzen ari dira", esan du Ministerioak. Imama Palmara joan zen eta talde bat antolatzen hasi zen; gaurko operazioan atxilotutakoak, hain zuzen. Horrez gain, pertsonak "erakarri eta doktrinatu zituen Estatu Islamikoaren alde, eta, hortik aurrera, haien lider espiritual bihurtu zen".
Zehatz-mehatz, imam horren helburua kideak erakarri eta Siriarako dirua biltzea zen, baina kontu handiz ibiltzen zen, eta bizilekua etengabe aldatzen zuen. Hori dela eta, "asko" kostatu zaie atxilotzea.
Alemanian atxilotutako kideentzat ere zen erreferente, eta gainerako atxilotuekin harremanetan zegoen.
Imamak "muturreko estremismora" jo zuen, Ministerioak zabaldutako oharraren arabera, "DAESHen ildoekin bat egin eta konpromisoa agertuta; gainera, otso bakartiek Europan egindako ekintzak justifikatu eta jihada indarkeriaz egiteko borondatea agertu zuen". Hain zuzen ere, horregatik guztiagatik egin da operazioa Espainian, Alemanian eta Erresuma Batuan.
Operazioa Polizia Nazionaleko Informazio Komisaria Nagusiko agenteek egin dute, baina Palmako Informazio Brigada, Inteligentzia Zentro Nazionala (CNI), Ikerketa Kriminaleko Bulego Federala (BKA), Ipar Renania-Westfaliako Ikerketa Kriminalaren Bulegoa (LKA), Scotland Yard eta Briminghameko West Midlandseko terrorismoaren aurkako taldearen laguntzarekin. Gainera, Europol, Eurojust eta Sirene agentzia europarrek ere lagundu dute operazioan.
Operatibo "konplexu" hori, 1 zenbakiko Instrukzio Epaitegi Zentralak eta Auzitegi Nazionaleko Fiskaltzak koordinatu dute, eta zabalik dago oraindik.
Azken bi urteetan, 2015eko ekainean Espainian terrorismo mehatxuaren alerta maila 4ra igo zenetik, 178 susmagarri atxilotu dituzte, eta 220 baino gehiago dira jada urte horren hasieratik atxilotuak.
Zure interesekoa izan daiteke
50 pertsona zauritu dira Noaingo txupinazoan hainbat suziri lehertuta
Hiru erietxera eraman dituzte erredurekin eta horietako biri alta eman diete arratsaldean. Beste 47 lagun lekuan bertan artatu dituzte. Nafarroako udalerri horretako jaiek aurrera jarraitzen dute.
Animalia basatiak erabiltzen dituen zirku batek polemika piztu du Urruñako herritarren artean
Zirkua abuztuaren 16an jarri zen Udalaren baimenik gabe, eta larunbat honetara arte ikuskizunak eskainiko ditu arratsaldero.
EITB, Prix Europa sari ospetsuetan izendatua eguzki eklipse osoaren inguruko plataforma anitzeko proiektuagatik
EITBren Eguzki Eklipse Osoa ekimena Digital Media kategorian lehiatuko da, Europako ikus-entzunezko sari ospetsuenetako batean.
Tentsio uneak Bilboko Pergolan, greban dauden teknikarien eta bilbainadetako ikusleen artean
Greban zeuden teknikarien piketeak Bilboko Pergolaraino hurbildu dira, grebarako eskubidea aldarrikatzeko, eta horrek ikusleak haserretu ditu, ez baitiete abestiak entzuten utzi. Tentsio uneak izan dira grebalarien eta ikusle zeuden hainbat pertsonaren artean.
Deskargako autobidea itxita egongo da asteazken honetan, 21:00etatik aurrera
AP-636 errepideko tunel batean egin beharreko lanak direla eta, 19. eta 21. irteerak erabili beharko dituzte erabiltzaileek, martxaren noranzkoaren arabera, Bergara GI-627 errepidearen bidez zeharkatzeko.
Lurrak gorriz tindatuko du Ilargia ostiral honetako eklipse partzialean
Une gorena abuztuaren 28ko 06:12:53an izango da, Lurraren itzalak ilargi-diskoaren % 93 estaliko duenean.
Bizkaibus batek su hartu du, goizaldean, Santurtziko kale erdian
Sua Bizkaiko herriko Las Viñas kalean piztu da, matxura batek eraginda, eta ke handia sortu du. Ez da inor zauritu.
14 lagun atxilotu dituzte, bi ukituengatik, eta bi udaltzain zauritu, Bilboko Aste Nagusiaren laugarren egunean
Udaltzaingoak 10 atxiloketa egin zituen jai-esparruan eta lau eremu horretatik kanpo. Guztira, 64 salaketa aurkeztu dira, horietatik 50 ebasketengatik izan dira. Bi agente zauritu dira, eta batek zerbitzua utzi behar izan du.
CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"
Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.
ETSk milaka zale kantuan eta dantzan jarri ditu Bilboko Europa parkean
Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.