Villarri 300.000 euroko fidantza jarri dio epaileak, espetxetik ateratzeko
Santiago Pedraz epaileak 300.000 euroko bermea ezarri dio Angel Maria Villar Espainiako Futbol Federazioko (RFEF) presidente ohiari, beste horrenbesteko fidantza Juan Antonio Padron Espainiako Futbol Federazioaren presidenteorde ekonomikoari, eta 150.000 eurokoa Kirol Zuzenbidean aditua den Gorka Villarri. Uztailaren 20tik daramatzate hirurek Soto del Realgo espetxean.
Auzitegi Nazionaleko magistratuak ez du uste ihes egiteko arriskurik dagoenik, eta arrazoi horregatik erabaki du hirurei baldintzapeko aske egoteko aukera emango dien fidantza ezartzea. Espailearen arabera, nahikoak dira Soule operazioaren baitan egindako atxiloketak eta orain arte hartutako kautelazko neurriak.
Hirurek fidantza ordaintzen badute eta kartzelatik irteten badira, astean behin beren etxetik gertuen dagoen epaitegietara joan eta epailearen aurretik igaro beharko dute. Era berean, pasaportea eman beharko diote eta ezingo dira Espainiar Estatutik atera. Halaber, eguneko 24 orduetan non dauden jakiteko beharra ezarri die epaileak, eta beren telefono zenbakiak eman beharko dizkiote horretarako.
Pedrazen ustez, orain arte hartutako neurriak (oraindik ikertu gabe dagoen dokumentazio guztia edota lekukoen eta auzipetuen adierazpenak) kontuan hartuta, ez dago akusatuek ikerketa oztopatzeko eta probak ezabatzeko arriskua. Gainera, kautelazko neurriak (enbargoak eta kontu korronteen blokeoa) ezarri dituela gogorarazi du Santiago Pedrazek.
Auzitegi Nazionaleko epailearen iritzian, 51,7 milioi euroko galerak eragin dizkiote hiru akusatuek Espainiako Futbol Federazioari.
Egoera horren aurrean, uztailaren 25ean Espainiako Kirol Batzorde Gorenak (CSD) urtebetez gaitasungabetu zituen Angel Maria Villar Espainiako Futbol Federazioko (RFEF) presidentea eta Juan Padron presidenteordea. Bi egun geroago, Villarrek dimisioa eman zuen UEFAko (Europako Futbol Elkarteen Batasuna) presidenteorde eta Batzorde Exekutiboko kide gisa.
Zure interesekoa izan daiteke
Euskadik beroari lotutako ia 300 heriotza posible erregistratu ditu udan
Adinari begiratuta, hildakoen % 92k 65 urte baino gehiago zituen, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusi bete-betean, beste behin ere pentsio duinak aldarrikatzeko
Aste Nagusiko giroan deitu dute manifestazioa, pankarta nagusiaren leloak dion bezala, "Jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, euren herri-ekimen legegilea aldez aurretik atzera bota izana salatuz. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria, tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.
Nafarroako Gobernuak eta Petilla Aragoiko Udalak 150.000 eurotik gorako plana adostu dute, datozen suteen aurrean herria babesteko
Udako sute larriaren ostean, suebaki berriak, bigarren ur-putzu bat eta gazteentzako abeltzaintza-proiektu bat abiatzea adostu dute.
Biobizkaiak osasun-produktu pertsonalizatuak fabrikatuko ditu 3D inprimaketaren bidez
Lizentzia horri esker, Aurpegi-masailetako Kirurgia, Bihotz-hodietako Kirurgia, Traumatologia, Otorrinolaringologia eta Onkologia Erradioterapikorako produktuen bost familia fabrikatu ahalko dira.
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.