Pertseidak, eklipseak… Abuztuan behaketa astronomiko ugari izango ditugu
Hilabete honetan izango ditugu astronomia zaleek urtean gehien espero dituzten behaketa astronomikoak, eta ‘Done Laurendiren malkoak’ edota erabateko eguzki eklipsea horren adibide argia dira.
Dena dela, horiek ez dira abuztuan izango ditugun behaketa astronomiko bakarrak, izan ere, abuztuaren 21ean ezohiko gertaera berezia izango dugu munduan: erabateko eguzki eklipsea. Halaber, egun batzuk besterik ez ditugu itxaron beharko ilargiaren eklipse partziala ikusi ahal izateko (abuztuaren 7an).
Pertseidak: Abuztuak 12-13
Pertseidak edo Done Laurendiren malkoak abuztuaren 12an eta 13an ikusi ahal izango dira, baina 12an egongo dira argien ikusgai. Alabaina, aurten ilargi betea izango dugu egun horietan, eta, iaz ez bezala, zailagoa izango da pertseidak ikustea.
[Zure interesekoa izan daitekeelakoan: Pertseidak ikusteko gida]
Swift-Tuttle kometa berotzen den bakoitzean bere atzetik hauts partikulak uzten ditu. Meteoro txiki horiek abiadura handian sartzen dira atmosferan, eta, ondorioz, izar iheskorrak sortzen dira. Hauts partikula horiek oso txikiak dira, askok harea-pikor baten tamaina dute.
Kometa bat Eguzki Sistemara hurbiltzen den bakoitzean, eguzki-erradiazioaren eraginez horren nukleoa (izotzez eta haitzez osatuta) desegiten da, eta gasez eta hautsez osatutako partikula txikiak sortzen dira, eta kometaren orbitan zehar sakabanatzen dira.
Abuztuaren 11tik 13ra bitartean izan ohi da pertseidak argien ikusteko egunik onena, baina fenomeno horren intentsitatea nabarmen murrizten da uztailaren bigarren astetik abuztuaren azken astera bitartean.
Eguzki eklipsea: Abuztuak 21
Aurten ikusiko dugun eguzki eklipsea aparteko ikuskizuna izango da munduan. Amerikako Estatu Batuetan erabatekoa izango da, eta partziala, berriz, ondorengo tokietan: Erdialdeko Amerikan, Hegoamerikako iparraldean eta Europan.
Ilargiak Eguzkia osorik estaltzen duen bakoitzean gertatzen da ikuskizun astronomiko hori, gure izarraren eta Lurraren artean jartzen baita.
Eguzki eklipsea denbora luzez ikusi ahal izateko, zerua ahalik eta garbien egotea komeni da. Arrazoi horregatik, puntu geografiko altuenean egotea da aukera onena.
Eklipsea ikusteko unean izarra zuzenean ez ikustea, etxean egindako iragazkiak saihestea, eta homologatuta dauden betaurrekoak ez erabiltzea aholkatu du NASAk
Ilargi eklipsea: Abuztuak 7
Egun batzuk itxaron behar ditugu bakarrik ilargiaren eklipsea ikusi ahal izateko. Asian, Afrikan, Ozeanian eta Antartidan ikusiko da argien. Aurretik aipatutako bi horiek baino zirrara gutxiagoa sortzen duen behaketa astronomikoa izango da, eklipse partziala izango baita (soilik azalaren % 25ari dagokiona).
Zure interesekoa izan daiteke
Imarkoainen piztutako sutea egonkortuta dute eta AP-15 autobidea zabalik da berriro
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da tarteka, baita N-121 errepidea ere, eta gertu dagoen trenbide katenariaren argindar hornidura etenda egon da. Haizea itzaltze lanak zailtzen ari da.
Ekainean 207 pertsona hil ziren Hego Euskal Herrian beroak eragindako gorabeherengatik, eta beste 27 uztaileko lehen lau egunetan
Carlos III.a Osasun Institutuaren Eguneroko Hilkortasunaren Monitorizazio Sistemaren (MoMo) datuen arabera, Estatu osoan 153 pertsona hil ahal izan dira azken lau egunetan beroaren ondorioz, eta ekainean ia 1.000 izan ziren tenperatura altuei egotz dakizkiekeen heriotzak.
Nafarroako Larrialdi zerbitzuetako langileak "oso pozik", herritarrek hala nahi izanda, txupinazoa botako dutelako
Urte osoan zehar, eta Sanferminetan bereziki, lana erruz egin arren, euren ahaleginak ez du beti merezitako aitortza jasotzen. Aurtengo txupinazoa botatzeko ardura eman diete herritarrek, eta festetako lanari gogoz ekiteko pizgarri izango da hori osasun langileentzat. Clint Fernandez Larrialdietako zuzendariordeak eta Araceli Sergio erizainak igoko dira Udaletxeko balkoira, Larrialdietako langile guztien izenean.
Busti Zaitez ekimenak ehunka pertsona bildu ditu esklerosi anizkoitza ikusarazteko eta horren ikerketa bultzatzeko
Esklerosi Anizkoitzaren Fundazioak antolatzen du urtero ekimena, eta aurten bost hondartzatan eta dozena bat udal igerilekutan egin dute. Helburua da herritarrak sentsibilizatzea gaixotasun neurologiko kroniko honen inguruan eta gaixoentzat dirua biltzea.
PETAk eta AnimaNaturalisek tauromakiaren "bekatua" salatu dute Iruñean
Urtero bezala, elkarte animalistek zezenketen aurkako ohiko 'performancea' egin dute Iruñeko Udaletxe plazan. Ekintzari izaera katolikoa eman diote. Hala, Jesukristo odoleztatu bat paratu dute plazaren erdian, eta inguruan, hainbat pertsona erdi biluzik, gorputza pintura gorriz zikinduta eta adarrak buruan. Manifestariek tauromakia gaitzesteko eskatu diote Leon XIV.a aita santuari.
Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala. Urnietako Udalak "tristura eta samina" agertu du heriotzagatik, eta familiarekin harremanetan da behar duen horretan laguntzeko.
11 pertsona zauritu dira Gironako sutean
Bost bizilagun, bost suhiltzaile eta Armadako kide bat dira zauritutakoak. Suhiltzaileek ohartarazi dutenez, gaur behintzat ez dute sutea kontrolpean hartuko. Gaur goizean konfinamendua altxatu dute, eta etxera itzuli ahal izan dira ebakuatutako herritarrak.
Txupinazorako ordu gutxiren faltan, festak errespetuz eta segurtasunez igarotzeko deia egin du Joseba Asiron Iruñeko alkateak
Ordu gutxi barru festa lehertuko da Iruñean eta 2026 honetako sanferminen berritasun nagusiak aletu dizkio Joseba Asironek, Udaletxeko balkoian bertan, Maider Arteaga ETBko kazetariari. Errespeturako deia egin du, batez ere emakumeen askatasunarekiko. Jaien izaera herrikoiak iraun izanaz harro agertu da, bere zazpigarren eta legegintzaldiko azken sanferminen atarian.
Asteazkenera arte ez da Renferen trenik ibiliko Arrigorriaga eta Bilbo artean, lanak direla eta
Autobusez ari dira egiten bi udalerrien arteko bidea. Etenak Ibilbide Luzeko trenei eragiten die, Bilbo eta Miranda de Ebro artean. Basaurin, Bidebieta geltokia hobetzeko lanak egiten ari dira, eta horrek eragin du gorabehera.
Hemen da udako bigarren bero bolada
Gaurko abisu horiak daude muturreko tenperatura altuengatik Arabako Errioxan, Nafarroa erdialdean eta Erriberan. Bihar alerta maila harrapatuko du ia lurralde osoan. Asteartean, behera egingo dute termometroek, Nafarroa erdialdean eta Erriberan salbu; alertapean jarraituko dute han.