Pablo Ibarren kontrako epaiketa berria 2018ko otsailaren 28an hasiko da
2018ko otsailaren 28an bigarren aldiz epaituko dute Pablo Ibar euskal jatorriko presoa, 1994an Miamin (Florida, AEB) izandako hilketa hirukoitza dela eta. Hala iragarri du ostegun honetan Lisa Porter epaileak, Ibarren auzia bere gain hartu ondoren.
Porterrek azaldu duenez, defentsaren abokatuekin eta Fiskaltzarekin adostu du epaiketa berria egiteko data. Epaiketaren lehen egunean epaimahaia osatuko dute, baina otsailaren 28a iritsi aurretik gutxienez auzi-saio bat egingo dute epaimahaiko kideak aukeratzeko orduan jarraituko dituzten irizpideak zehazteko. Hala, lehen saioa azaroaren 29an egingo dutela azaldu du Porterrek.
Broward konderriko epaimahai batek 1998an ez zuen aho batez Ibar errudun jo. Epaileak hartutako erabakia baliogabetu zuen, ez zegoelako haren kontrako froga fisikorik. Euskal jatorriko presoa 1994tik darama preso. 1999an berriro epaitu zuten eta erruduntzat jo zuten, eta klub baten jabearen eta bertako bi dantzariren hiltzailea zela leporatu zioten.
2000. urtean heriotza-zigorra ezarri zioten Ibarri, hilketa hirukoitza egotzita. Dena dela, 2016an, Floridako Auzitegi Gorenak heriotza-zigorra baliogabetu zuen, Ibarren aztarnarik aurkitu ez zutela arrazoituta, eta epaiketa berriro egitea agindu zuen.
Fiskaltzak (Floridako Estatuak) argi utzi zuen euskal jatorriko presoari egingo dioten bigarren epaiketan heriotza-zigorra eskatuko duela berriro, hilketa hirukoitza leporatuta.
Floridako Gorenak Pablo Ibarri heriotza-zigorra baliogabetzea erabaki zuenean, Defentsak baldintzapeko askatasuna eskatu zuen, baina epaileak uko egin zion eskaera horri. Orduan, Raaj Singhal epailearen esku geratu zen auzia, baina uztailean zigor arloko epaitegiak utziko zituela iragarri zuen, eta zibil arlokoetara igaro zen. Ondorioz, auzia utzi behar izan zuen.
Uztailaren 14an, auzia bere gain hartuko ote zuen pentsatu beharra zuela azaldu zuen Barbara McCarthy epaileak.
Gauzak horrela, auzia Lisa Porter epailearen esku geratu da. Joe Nascimento Ibarren defentsako abokatuetako batek esan duenez, epaileak “auzi konplexuak daramatzan unitate batean egin izan du lan”.
n izan du lan”.Zure interesekoa izan daiteke
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.