Bartzelonak legez kanpoko 2.332 etxebizitza turistiko ixtea agindu du
2016ko uztailetik, Bartzelonako Udalak 2.332 etxebizitza turistiko ixtea agindu du, horietatik 744k dagoeneko jarduera eten dute, eta beste 145 zigilatu egin dituzte.
Erabilera turistikoko etxebizitzen planari buruzko datuak eman ditu Udaletxeak astearte honetan, sektorea zuzentzea eta legez kanpoko eskaintzarekin amaitzea du helburu.
Aurten, Udalak 6.107 diziplina-espediente ireki dizkie legez kanpoko etxebizitzetako jabeei. Horietatik 3.473ri zigorra ezarri die.
Legez kanpoko etxebizitzak aurkitzeko garaian, Udalak “bistaratzaile” talde bat sortu du, hasiera batean 20 pertsonek osatzen zuten, baina maiatzetik 40ra igo da kopurua. Sarean eta lurrean bertan frogatzen dute ea bitartekari moduan diharduten Interneteko plataformetako helbideak bat datozen errealitatearekin, eta legez kanpoko etxebizitzak aurkitzen dituzte.
Duela hiru hilabete “bistaratzaile” kopurua bikoiztu zenetik, Interneten argitaratutako baimenik gabeko 3.300 iragarpenen jarraipena egin dute. Halaber, 1.157 bisita egin dituzte, eta legez kanpoko 630 apartamentu aurkitzea ahalbidetu die. Jabeek 60.000 eurorainoko zigorrak izan ditzakete, baimenik ez izateagatik.
Modu berean, sektore honetara zuzendutako udal ikuskarien kopurua handitu du, eta halaxe jarraituko du, datorren urterako aurreikusitako 110ak lortu arte.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.