Gutxienez 13 hildako eta 100 zauritu, Bartzelonan izandako atentatuan
Gutxienez hamahiru pertsona hil dira eta 100 inguru zauritu dira ostegunean, Bartzelonako Rambla pasealekuan zeudela furgoneta batek aurretik eraman dituenean. Zaurituetako 15 larri daude, Carles Puigdemont Kataluniako presidenteak baieztatu duenez.
Hala eman du jakitera gertatutakoaren ondoren bildu den larrialdi-kabinetea bileraren ostean. Berarekin batera izan dira, besteak beste, Oriol Junqueras presidenteordea eta Adau Colau Bartzelonako alkatea.
Puigdemonten esanetan, segurtasun indarren arteko lankidetza gorengoa izan da eta "ez da egon akatsik". Zehaztu duenez, orain duten lehentasuna "normaltasunera bueltatzea da", hori baita terroristei aurre egiteko modua.
"Katalunia bakezko lurralde bat da: beti izan da, hala izaten jarraitu nahi dugu eta hala izaten jarraituko dugu", erantsi du.
Carles Puigdemont, bere agerraldian. Argazkia: EFE
Aurretik, Joaquim Forn Barne sailburuak kazetariei egindako adierazpenetan adierazi duenez, biktimen kopurua hazi egin daiteke, eta, gaineratu du "zantzu garbiak" daudela gertatutakoa ekintza terrorista bat izateko.
Harrapaketa masiboa furgoneta zuri batek egin du. Gidariak ibilgailutik atera eta ihes egin du, ikerketako iturriek Eferi jakinarazi diotenez.
Poliziak gunea hartu du. Argazkia: EFE
Esquadra Mossoek baieztatu dutenez, gertatutako atentatu terrorista gisa ari dira ikertzen, eta kasu horietarako prestatuta duten protokoloa jarri dute martxan.
Harrapaketa masiboa 17:00ak aldera jazo da. Ordu horretan furgoneta zuri batek Bartzelonako Rambletan zeuden pertsonen aurka jo duenean, horietako asko turistak ziren. Ibilgailuko gidariak furgoneta utzi eta oinez egin du alde.
Estatu islamikoaren aldarrikapena
Estatu Islamikoak bere gain hartu du atentatua, Amaq albiste-agentziak zabaldu duen ohar baten arabera.
Ohar horretan, Estatu Islamikoak "kalifatuko soldadu" gisa identifikatu ditu erasoaren egileak, bere erakundeko kideak aipatzeko erabili ohi duen terminoa.
Poliziak pertsona bat hil eta bi atxilotu ditu
Esquadra Mossoek bi lagun atxilotu dituzte Bartzelonan izandako atentatuarekin harremana izan dezaketelakoan, baina ez dute zehaztu zein den gertatutakoarekin duten harremana.
Horrez gain, Poliziak atentatuaren usteko egileetako bat tiroz hil du Sant Just Desvern herrian (Bartzelona) segurtasun kontrol bat saihestu nahi izan duenean. Gertaera horretan bi agente harrapatu ditu gidatzen ari zen autoarekin.
Esquadra Mossoek atentatua gertatu den unea inguratu dute. Argazkia: EFE
Tarragonan izandako leherketa batekin lotu dute atentatua
Josep Lluis Trapero Esquadra Mossoetako buruak adierazi du Ramblan izandako atentatua asteazken gauean Tarragonako Alcanar herrian jazo zen leherketa batekin lotuta dagoela. Eztanda hori etxebizitza batean gertatu zen, eta haren eraginez pertsona bat hil zen eta beste zazpik zauriak izan zituzten.
Traperok prentsaurrekoan esan duenez, ikerketako zenbait alderdik "garbi eta zalantza gabe" erakusten dute gaurko atentatuak eta atzoko leherketak harremana dutela.
Alcanarreko leherketa 23:17 inguruan izan zen. Eztandaren poderioz, etxebizitza erori egin zen, eta barruan bi pertsona aurkitu zituzten: bata, hilik; bestea, larriki zaurituta.
Traperoren esanetan, bi gertaerak lotzeari esker Bartzelonako atentatuarekin "zerikusi zuzena" duten bi pertsona (melillar bat eta marokoar bat) atxilotzea ahalbidetu die. Dena dela, garbi utzi du atzemandako bi lagun horien artean ez dagoela ehundik gora pertsona harrapatu dituen furgonetako gidaria.
Zehaztu duenez, marokoarra Ripollen (Girona) eta espainiarra Alcanarren (Tarragona) atzeman dituzte. Bata zein bestea atentatuarekin lotuta daudela, gaineratu du, baina bietako inor ez dela egile zuzena izan.
Aitzitik, egileak harrapaketaren gunetik ihes egin du eta orain haren atzetik dabiltza. Lekukoen arabera, furgonetatik jaitsi denean, ez zeraman armarik soinean, eta ez du inongo aldarrikapenik egin, baina Traperok esan du ez daukala inolako zalantzarik atentatu terrorista bat izan dela.
Rajoyren adierazpenak
Mariano Rajoy Espainiako Gobernuak "elkartasuna" adierazi die atentatuko biktimei, eta hiru eguneko dolu ofiziala ezarri du.
"Bat eginda gaude doluan , eta baita gure balioak eta bizitza ereduak kendu nahi dizkigutenak garaitzeko borondatean ere", gaineratu du Rajoyk.
Bigarren furgoneta bat, Vicen
Bartzelonako harrapaketan erabilitako furgoneta alokatu dute bi norbanakoek bigarren furgoneta bat zuten alokatuta, eta hori Vicen aurkitu du Poliziak, eta une honetan inguratuta dute.
Harrapaketa gertatu osteko irudiak
Twitterreko erabiltzaile batzuek gertatutakoaren berri ematen duten ikus-entzunezko edukiak argitaratu dituzte:
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.