HazteOirren autobus transfoboa Bilbon izan da, protesta artean
Ehunka herritarrek kontzentrazioa egin dute gaur, irailak 21, eguerdian, HazteOir elkartearen autobusa Bilbora iritsi izana arbuiatzeko; izan ere, Estatuko hainbat hiritara bertaratu da ibilgailua egunotan, Podemos alderdiak bultzatuta Kongresuan kolekitbo honen bazterketaren kontrako legea egiteko asmoaren aurka egiteko.
Berrehun bat pertsona zituen zain hasiera batean Moyua plazara iristekoa zen autobusak, tartean ELA, LAB eta Steilas sindikatuetako eta EH Bilduko kideak zirela.
Aitzitik, autobusaren ibilbidea aldatu dute ezutean, Euskadi plazara iritsi da, eta Udaltzaingoaren eta Ertzaintzaren hainbat agentek ingurua itxi dute, autobus barruan zeudenak jaitsi zitezen.
Protestariak bertara joan dira, eta, poliziek ezarritako hesiaren bestaldetik, oihuak, txistuak eta nork bere gorputzaren eta nortasunaren gaineko erabakiak hartzearen aldeko aldarrikapenak luzatu dizkiete elkarte transfoboko kideei.
"Horrelako jarrerak ezin dira onartu"
Miguel Vidal HazteOirreko bozeramaileak kazetariei esan dienez, Madrilen, Diputatuen Kongresuan, bidea hasi duen LGTBI legearen helburua da “hezkuntza sisteman, gurasoen irismen ahalmenetik kanpo, elementu berriak sartu, eta umeak doktrinatzea”.
Gainera, haren ustez, “guraso agintea kendu nahi die aita-amei, 16 urtetik gorakoei baimena ematen baitie gurasoen baimenik gabe sexua aldatzeko ebakuntza bat egiteko”.
Bestalde, Izaro Antxia Gehitu Euskal Herriko Lesbiana, Gay, Transexual eta Bisexualen Elkarteko kideak adierazi duenez, “gaur, gutxienez, nolakoak izan behar dugun esaten diguten pertsonek kontra gauzkatela ikusi dute, gizarte demokratiko batek ezin baititu onartu horrelako jarrerak”.
Albiste gehiago gizartea
Vueltako 16. etapa 8 kilometro lehenago neutralizatu dute Gazaren aldeko protestengatik
Ehunka pertsona irten dira errepide ertzetara Galiza por Palestina plataformak egindako deialdiari erantzunez, “Ez da gerra, genozidioa da” lelopean, Israel Gazan egiten ari den inbasioa salatzeko. Tentsio uneak ere bizi izan dira Poliziak hainbat pertsona identifikatu eta kargak egin baititu.
Narratiba aldatzea eta gazteei entzutea: suizidioa prebenitzeko eta bizitzak salbatzeko gakoak
"Zaude! Hemen nago” suizidioa prebenitzeko kanpaina entzute aktiborako dei zuzena da, eta ThinkXSocial Navarran saritu dute.
Herriguneetatik gertu dauden eremuak sastrakaz garbituko dituzte Araban baso-suteak etxeetara irits ez daitezen
Era berean, suteei aurre egiteko lehen ekintzetan doako prestakuntza emango dute, bereziki nekazariei eta administrazio-batzarrei zuzenduta.
Janaririk gabeko bazkaria Donostiako taberna batean, Gazari elkartasuna adierazteko
EAJko, PSE-EEko eta EH Bilduko zinegotziek parte hartu dute Donostiako Alde Zaharreko Itxaropena tabernan egindako bazkari solidarioan. Ekimenean parte hartu dutenek 60 euro ordaindu dituzte, baina ez dute ezer jan.
BetiOn telelaguntza zerbitzuko langileek elkarretaratzea egin dute Bilbon, hiru langilek jasandako erasoak salatzeko
Koldo Uria langileen batzordearen presidenteak salatu duenez, ez dago langileak babesteko protokolorik. Erasotzaileak zerbitzutik kanporatu ditzatela eskatu diete Eusko Jaurlaritzari eta Ilunioni.
Ezingo da ez zigarrorik erre ez bapeatu tabernetako terrazetan, unibertsitate-campusetan eta lanerako diren ibilgailuetan
Tabakoa erretzeko debekua aire libreko eremuetara zabaldu eta zigarro elektronikoak zigarro arrunten pare jarriko dituen lege aurre-proiektua onartu du Espainiako Ministroen Kontseiluak.
Arantzazurako erromesaldia egin dute gaur, Arantzazuko Amaren egunean
Egutegi orokorrean jai ez den arren, Oñatin eta Arantzazuko santutegiko inguruetan festa giroa izango da gaur nagusi. Dozenaka lagun erromesaldian atera dira harako bidean.
Gizon portugaldar bat atxilotu dute Bilbon, bi senide adingaberi sexu-erasoa egitea leporatuta
Atxilotzeko eta entregatzeko euroagindua ezarri zuten 39 urteko gizonaren aurka, 2017az geroztik justiziatik ihes eginda zegoen eta. Epaileak aske utzi du, behin-behinean, kautelazko neurriekin, Luxenburgora estraditatzeko prozedura bideratu bitartean.
Pertsona bat hil da eta bi zauritu dira, horietako bat larri, AP-15 autobidean, auto-istripuz, Erriberri parean
Kamioi batek kontrako erreian sartu eta biktima zihoan autoa jo du, Foruzaingoak jakinarazi duenez.
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.