'Lekaixoka!', euskararen alde
Gipuzkoako ikastolen aldeko jaia, Kilometroak, ospatuko dute igande honetan Oñatin, 89. edizioa, hain zuzen ere. 28 urte igaro dira Oñatin Kilometroak 89 ospatu zenetik eta hala, bigarrenez, Oñatiko Txantxiku Ikastolarena izan da aurten, Kilometroak 2017 antolatzeko ardura.
Aurtengo edizioaren leloa 'Lekaixoka!' izango da, Lekaixo hitzak oihua, irrintzia, imintzioa, deiadarra esan nahi duelako oñatiarrez eta aspaldiko euskaldunek abisuak pasatzeko edota laguntza eskatzeko erabiltzen zuten.
Azken 40 urtetan ez bezala, herriko San Migel jaiak direla-eta, bihar, hilak 24, ospatuko da Gipuzkoako Ikastolen aldeko festa, ohi baino astebete lehenago.
Guztira, 1.600 boluntario inguru izango dira lanean. Txantxiku Ikastolak bost kilometro inguruko zirkuitua antolatu du, 1989an Oñatin egin zen Kilometroak jaiaren ibilbidearen oso antzekoa, hain zuzen ere.
Zirkuituak lau gune nagusi lotuko ditu. Plazakoa izango da lehenengoa eta handiena eta bertan izango da irekiera ekitaldia, 09:30ean. Zirkuituak bi sarrera soilik izango ditu, biak ala biak plazako gune nagusira. Bata kiroldegi parean egokituko da, bigarrena Sietevientos edo Zazpibidietako bidegurutzean.
Oñatira nola iritsi
Udanako mendatea itxita egongo da ibilgailu partikularrentzako. Soilik autobusak pasatu ahal izango dira.
Guztira zortzi aparkaleku handi egongo dira prestatuta egun horretarako. Hilerriaren inguruan 350 autobusendako tokia egongo da. Autoendako egokitutakoen artean herritik gertuen dagoen aparkalekua Otadui zuhaiztikoa izango da; 400 bat autorendako tokia egongo da han. Bi gune horietatik zuzenean sartuko dira herritarrak zirkuitura.
Beste aparkalekuak Torreauzon, Ulma eraikuntzak enpresan, Fagor Showroom gunean, Lana eta Stadler enpresen inguruan, Ulma Piping eta Mekalki lantegien aurrean eta suhiltzaileen ondoan izango dira. Azken sei gune horietatik lotura-autobusak egongo dira herri-gunera joateko.
Jasangarritasun batzordeak, bestetik, bidegorria erabiltzeko dei egin du. Bidegorritik bizikletaz joateko bi topagune egongo dira. Arrasateko Eroskin eta Labegaraietan, 10:00etan elkartuko dira.
Kilometroak jaiak aplikazio berezia izango due telefono adimenduendako: egitaraua, zerbitzuak... kontsultatzeko aukera egongo da bertan.
Egitaraua
1. Gunea: IKASTOLA
09:30 - Irekiera Ekitaldia.
10:00 - Hutsun, Plazan.
11:00 - Udaberri Dantza Taldea, Plazan.
Ordu berdinean, Kulki, haur eta ume euskal jolasak frontoian.
11:30 - Omenaldia, Santa Ana Antzokian.
12:00 - Herrixa Kantuan, plazan.
12:30 - Tio Teronen Semeak, plazan.
13:30 - Bertsoak, plazan. Ordu berdinean, Dantza tailerra frontoian.
14:00 - Oxabi, plazan.
14:30 - Txatxilipurdi, haur eta ume jolasak, frontoian.
16:00 - Liher, plazan. Ordu berdinean, Oihulari Klown!, frontoian.
17:15 - Anje Duhalde, plazan.
Orduro Kaikutxo ipuin kontaketa izango da.
2. Gunea: SAN MARTIN (Haurren Hiria)
10:30 - Nazioarteko Artzain Txakurren txapelketa.
11:00 - Txatxilipurdi, haur eta ume jolasak.
Ordu berean, Inguruabentura eta Erronka ere egongo dira.
11:45 - 3txulo.
13:00 - Erronka.
14:00 - Xomorro.
15:00 - Inguruabentura eta Txatxilipurdiren haur eta ume jolasak.
15:30 - Gauargi.
3. Gunea: ASENTZIO
10:00etatik 18:00etara - Axi Muniainen "Carver" erakustaldia
10:00 - Trini Fox.
11:00 - Erronka.
11:30 - Beñat Igerabide.
13:00 - Erronka.
13:30 - Oihan Vega.
15:00 - Errebal.
16:00 - Egurra eta Kitto!
17:00 - Perlak.
4. Gunea: BEREZAO
11:00 - Erronka
11:30 - Herri Kirolak, Natran.
11:45 - Joseba Irazoki eta Lagunak
13:00 - Erronka
13:30 - Sharon Stoner
14:30 - Arkada Social
15:15 - Erronka
15:30 - Herstura
16:30 - Huntza
17:30 - Willis Drummond
Honetaz gain,
-Eroskiko aparkalekuan, goizeko 10:30etatik aurrera Euskal Kulturgintza eta Artisautza feria izango da
-Kiroldegian bazkaria 12:30tatik 15:30tara bitartean.
-Olaiturri Kultur Elkarteak 3 antzerki emanaldi egingo ditu aldi berean Zumeltzegin, Unibertsitatean eta Lazarragan, 12:00tan, 13:00tan eta 15:30ean.
-Ibilbidean zehar ere Joareak, Ttek Elektrotxaranga, Kalejira perkusioa, Dultzainariak, Txaranga, Trikitilariak, Sakatu Elektrotxaranga eta EH Batukada Feminista arituko dira.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.