Bi gizon hil dira Mungian, luizi batek harrapatuta
Bi gizon hil dira gaur, asteartea, Mungian, zanga bat egiten ari zirela luizi batek harrapatuta, Ertzaintzak eta suhiltzaileek jakinarazi dutenez.
Hildakoak 50 eta 76 urteko bi gizon dira, aitaginarreba eta suhia. Azken hori ezbeharra jazo den lursailaren jabea da. Antza, hodiak jartzen ari ziren.
Istripua 10:00ak aldera gertatu da, Mungiako Atxuri auzoan. Bi gizonak zanga bat egiten ari ziren, eta, halako batean, lur-jausi bat izan da eta bertan harrapatu ditu.
Osalaneko teknikari bat joan da istripua izan den tokira, eta horrek baieztatu duenez, gertatutakoa ez da lan istripua izan, etxeko ezbeharra baizik.
Suhiltzaileak eta erreskate taldeak bertaratu badira ere, bertan hil dira biak. Epaileak gorpuak altxatzeko agindua eman arte izan dituzte bertan.
Zure interesekoa izan daiteke
Kaltzadako bizilagunek bitartekaritza eskatu dute, euren etxebizitzen jabe den funtsaren "abusuzko prezioen" aurrean
Sei urteko kartzela-zigorra ezarri diote gizon bati bikotekidea bortxatzeagatik eta etengabe tratu txarrak emateagatik, Nafarroan
Indarkeria matxistaren biktimei arreta integrala emateko akordioak 25 urte bete ditu
Urdako tren istripuaren biktimen aldeko hileta elizkizuna azaroaren 12an egingo dute Toledoko katedralean
Orioko Udalak Jaurlaritzari galdegin dio konpon dezala berehala duela 40 egun su hartu zuen ontziak eragindako egoera
Anderren heriotzan inplikatutako agenteei espedientea egitea baztertu duen alkatetzaren dekretua errekurritu egin dute
Horrela eragingo die trafikoari eta oinezkoei Reala-Olympique Lyon partidagatik ezarritako segurtasun dispositiboak
EITB Maratoiaren bideoklipa: "Elektrizitatea"
Duela 31.500 urteko haitzuloetako lehoi baten hezurdura osoa aurkitu dute Mendaron
