Iruñeko kebab jatetxe bateko 3 langile atxilotuta, intoxikazio larriagatik
Polizia Nazionalak kebab jatetxe bateko hiru langile atxilotu ditu, osasun publikoaren aurkako delitua eta lesioak egitea leporatuta, zenbait bezerori "arratoi-pozoia" zuen jakiren bat emateagatik.
Poliziak hedabideei igorritako ohar baten bidez zabaldu duenez, ospitaleratu behar izan zuten neska baten kasutik abiatu zuten ikerketa, gaixoaren odolean medikuek azaldu ezin zuten koagulazio arazo bat antzeman ziotelako.
Antza, arratoientzako pozoia izan zitekeen azalpen bakarra, koagulazioaren aurkako tratamendua egiten ari ote zen baztertu eta gero.
Horrezkero, ikertzaileek Iruñeko Juan Maria Guelbenzu kalean dagoen "Doner Kebab" moduko jatetxe bati susmo txarra hartu zioten, biktimak eta horren bikotekideak han erosi baitzuten afaria egun batzuk lehenago.
Lehen momentutik "zapore arraro bat" antzeman zioten janariari, baina uste zuten saltsetan egindako aldaketaren bat izango zela.
Bi gazteak ondoezik sentitu ziren afaldu ostean. Gizonezkoak zazpi egun behar izan zituen osatzeko, baina horren bikotekidearen kasuan, sintomek jarraitu eta, gainera, okerrera ere egin zuten, Nafarroako Ospitalean ingresatu zuten arte.
Ondoren, Polizia Nazionaleko hainbat brigadetako agenteek (judiziala, atzerria eta polizia zientifikoa), Lan Ikuskaritzako kideek eta Iruñeko Osasun Saileko langileek lokala miatu zuten, eta toxikotasun handiko produktu bat topatu zuten leku batzuetan, baita janaria prestatzeko erabiltzen zuten mahaietako batean ere. Hori dela eta, lokala zigilatu zuten, badaezpadako neurri gisa.
Atxilotuak Pakistango hiru gizonezko dira (A.A.B., B.Z.U. eta K.M.) eta epailearengana eraman zituzten urriaren 20an.
Poliziak bi telefono-zenbaki jarri ditu balizko biktimak beraiekin harremanetan jartzeko, eta, behar izanez gero, salaketak aurkezteko. Telefonoak: 948.299.786/7.
Polizia Nazionalak zabaldutako argazkiak dira guztiak.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.