Ospitalizazio oheak martxan jarriko ditu Urdulizko Ospitaleak astearte honetan
Ospitalizazio solairuetako lehen 64 oheak martxan jarriko ditu Urdulizko Ospitaleak astearte honetan. Guztira, Uribeko eta Mungialdeko 175.000 bizilagun artatuko dituzte.
Iñigo Urkullu lehendakariak eta Jon Darpon Eusko Jaurlaritzako Osasun sailburuak ospitalizazio zerbitzuko solairuak inauguratu dituzte. Guztira, 148 ohe eta urtero ia 2.000 ospitaleratze izango ditu.
“Kalitatezko osasun sistema publiko, unibertsal eta profesionala indartzeko” euskal gizartearen esfortzua goraipatu du Urkulluk. EAEko agintariaren hitzetan, Urdulizko Ospitalearen zerbitzuak “ospitalizazio oheak martxan jarrita pauso berri bat” eman du gaur.
Ospitalea “gero eta zerbitzu zabalagoa” eskaintzen ari dela azpimarratu du lehendakariak. Horrela, Urdulizko Ospitalea datorren urtean “bete-betean lanean” izango dela goraipatu du Urkulluk. Eusko Jaurlaritzak Eibarko ospitale berria zabaltzeko “erronka” izango duela nabarmendu du buruzagiak.
33 osasun-langile gehiago
Ospitalizazio zerbitzua martxan jarrita, ospitaleak 33 osasun-langile gehiago izango ditu: 75 mediku, 152 erizain eta erizaintzako laguntzaile, 29 teknikari eta 40 zaindari, administrazio profesional eta biltegiko langile.
Gainera, ospitalizazio zerbitzua martxan jarrita, Osakidetzak kontratatutako beste 41 profesional lanean hasiko dira ospitaleko sukaldean eta garbiketan.
2016ko uztailean Urdulizko Ospitalea zabaldu zutenetik, kanpo kontsultekin, zerbitzu berriak pixkanaka-pixkanaka lanean hasi dira, larrialdiak esaterako aurtengo maiatzean. Ospitalea irekitzeko 45 milioi euroko inbertsioa beharrezkoa izan da.
Hilabeteotan 63.800 kontsulta (18.800 2016an eta 45.000 2017an), erradiologiako 38.000 proba (8.250 2016an eta 29.750 2017an), 14.000 proba mediko, 500 ebakuntza baino gehiago eta 16.200 larrialdi artatu ditu ospitaleak.
Zure interesekoa izan daiteke
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.