Tren batek sei behi harrapatu ditu Arrankudiagan, pasagune batean

Salgaiak zeramatzan tren batek sei behi harrapatu ditu Arrankudiaga Bizkaiko herriko Arbide auzoan, pasagune baten inguruan, Eusko Jaurlaritzako Segurtasun Sailak gaur iragarri duenez.

Gertakaria 04:15ean izan da gaur, ostirala: sei animaliak trenbidera sartu dira, eta trenak jo egin ditu. Horren eraginez, Renfek erabat gelditu du trenen joan-etorria.

Larrialdi Zerbitzuetako langileak eta Ertzaintzako hainbat agente bertaratu dira, eta 07:15ean ireki dute trenbideetako bat.