Lau gaztek sexu-erasoa egin diotela salatu du adingabe batek Barakaldon
Adin txikiko lau gaztek sexu-erasoa egin diotela salatu du adingabe batek Barakaldon (Bizkaia), udalerri horretako Udalak jakinarazi duenez. Erasoa Carmengo trasteleku batean jazo da, ostiral gau honetan.
Neskak Udaltzaingoari deitu dio, eta bi udaltzain bertaratu direnean, biktima "zeharo hunkituta" aurkitu dute. Sexu-erasoa jasan duela jakinarazi die adingabeak, eta ustezko erasotzaileak adin txikiko lau gazte direla esan du.
Biktima ospitalera eraman dute, eta Ertzaintzak ikerketa abiatu du jazoeraren nondik norakoak argitzeko.
Alkatearen gaitzespena
"Erasotzaileak atxilotuak izatea eta Legeak behar bezala zigor ditzan" espero du Amaia del Campo Barakaldoko alkateak, Radio Euskadin eskainitako elkarrizketaren arabera. Del Campok bere "sumina eta gaitzespen osoa" erakutsi du adingabe batek salatutako sexu-erasoagatik. Dena dela, "zuhurtziaz aritzeko" eskatu du, dirudienez, ustezko erasotzaileak adin txikikoak ere direlako.
"Horrelako jarrera sexistak eta matxistak izaten direnean, egiteko asko geratzen zaigula ematen du, Barakaldon berdintasunaren alde lan handia egiten ari garen arren", gaineratu du alkateak.
Hori guztia, herritarrak deitu ditu datorren asteartean 18:00etan Barakaldoko Herriko Plazan izango den elkarretaratzearekin bat egitera, "argi eta garbi adierazteko horrelako jarrerak ez ditugula gure udalerrian onartuko".
Talde feministen protesta
Argitan Emakumeentzako Barakaldoko Aholku Etxeak jakitera eman duenez, kontzentrazioa deitu dute biharko, abenduaren 31rako, 12:00etan Herriko Plazan.
----------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.