Ehunka lagun elkartu dira Barakaldon, adingabe batek jasandako sexu-erasoa salatzeko
Ehunka lagunek parte hartu dute gaur eguerdian Barakaldon, Argitan Emakumeentzako Aholku Etxeak deitutako kontzentrazioan, adin txikiko batek salatutako sexu-erasoagatik protesta egiteko. Erasoa Carmengo trasteleku batean jazo zen, ostiral gauean.
"Erasorik ez erantzunik gabe" pankartaren atzean bildu dira Barakaldoko herritarrak Herriko Plazan, Amaia del Campo alkatea ere bertan zelarik.
Argitanetik azaldu dutenez, emakumeek jasaten duten indarkeria egoera "gizarte honetan bizi duten diskriminazio eta menpeko paperaren ondorio da", eta horregatik, gizonen eta emakumeen arteko berdintasunaren bidean lan gehiago egiteko deia egin dute "hezkuntzatik hasi eta emakumeen autonomia osora arte, bai lanean baita arlo pertsonalean ere".
"Borondate politiko eta instituzionala behar da haurrak eta gazteak hezteko garaian, horrelako gauzak berriro ere gerta ez daitezen" gaineratu dute.
Ikerketa
Ertzaintzak zabalik dauka ikerketa baina ez da oraindik atxiloketarik izan.
Erasoaren biktima izandako neskak Udaltzaingoari deitu zion ostiral gauean, eta bi udaltzainak bertaratu zirenean, "lur jota" aurkitu zuten. Sexu-erasoa jasan zuela jakinarazi zien adingabeak, eta ustezko erasotzaileak adin txikiko lau gazte zirela esan zuen.
Neska ospitalera eraman zuten, eta Ertzaintzak ikerketa abiatu zuen jazoeraren nondik norakoak argitzeko.
Alkatearen gaitzespena
"Erasotzaileak atxilotuak izatea eta Legeak behar bezala zigortzea" espero du Amaia del Campo Barakaldoko alkateak, Radio Euskadin eskainitako elkarrizketaren arabera. Del Campok bere "sumina eta gaitzespen osoa" erakutsi du adingabe batek salatutako sexu-erasoagatik. Dena dela, "zuhurtziaz aritzeko" eskatu du, dirudienez, ustezko erasotzaileak ere adin txikikoak direlako.
"Horrelako jarrera sexistak eta matxistak izaten direnean, egiteko asko geratzen zaigula ematen du, Barakaldon berdintasunaren alde lan handia egiten ari garen arren", gaineratu du alkateak.
Gauzak horrela, herritarrak deitu ditu datorren asteartean 18:00etan Barakaldoko Herriko Plazan izango den elkarretaratzearekin bat egitera, "argi eta garbi adierazteko horrelako jarrerak ez ditugula gure udalerrian onartuko".
----------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
uzten fakturan.Zure interesekoa izan daiteke
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Navatz, Usi eta Anotz hustu dituzte, Ezkabarten piztu den suteren ondorioz
SOS Nafarroak jakinarazi duenez, 22:00ak aldera sutea egonkortzea lortu dute. 17:40 inguruan piztu da, eta haizearen ondorioz, berehala zabaldu da.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.