Metro karratuko 60 litro bota ditzake larunbatean, Bizkaian eta Gipuzkoan
Eusko Jaurlaritzaren Larrialdiei Aurre Egiteko eta Meteorologiako Zuzendaritzak abisu horia indarrean jarriko du ostiral honetako eguerdian, Bizkaian eta Gipuzkoan euri-jasak espero baitira. Abisuak indarrean jarraituko du larunbatean; izan ere, 24 ordutan metro karratuko 60 litro baino gehiago botatzea espero da.
Era berean, ostiral gauean eta larunbatean beste abisu hori bat indarrean jarriko dute arduradunek, kasu honetan elurragatik barnealdean; izan ere, elur-kota 600 eta 800 metro artean kokatuko da.
Gainera, larunbatean olatuengatik abisu horia ezarriko dute berriro kostaldean, 07:00etatik 08:00etara, eta nabigazioan arriskuagatik 18:00etatik aurrera.
Euskalmet Euskal Meteorologia Agentziak iragarri duenez, hego-mendebaldeko haizeak joko du ostiral honetako lehen orduetan. Hala ere, lainoek zerua azkar estaliko dute lurralde osoan.
Arratsaldeko lehen orduan, haizearen norabidea aldatu eta ipar-mendebaldetik sartuko da. Euria egiten hasi eta eguneko bigarren erdia gris eta euritsua izango da, etengabe eta gogoz botako du.
Tenperaturak behera egiten hasiko dira, baina maximoak leunak izango dira oraindik, 10-15 gradukoak. Elur-kotak behera egingo du eta eguneko azken orduetan 1.000 metroren azpitik kokatuko da.
Añarbeko urtegia badaezpada husten ari dira
Añarbeko Uren Mankomunitatea badaezpada urtegia husten ari da, 23 metro kubiko segundoko emariarekin.
Urumea ibaiak horretarako aukera ematen duen bitartean, urtegia emari horrekin husten jarraituko dutela erantsi du Añarbeko Uren Mankomunitateak.
Albiste gehiago gizartea
Dozenaka lagun bildu dira Iruñeko udaletxearen aurrean, "odolik gabeko" San Fermin batzuen aldeko protestan
Bi egun bakarrik ez dira falta sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturaliseko eta PETAko ordezkariek antzezpen artistikoa egin dute, goizeko 11:00etan. Kontzentrazioa baketsua izan den arren, oinezko batek iraindu ditu bertaratutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Gizon bat atxilotu dute emakume bat itotzen eta labankatzen saiatzeagatik, Bilbon
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu zen, ekaitz gogor bat izan ondoren. 300 pertsona inguru geratu dira Panticosako bainuetxean harrapatuta. Langileak lanean ari dira errepidea asteburu honetan bertan ireki ahal izateko.
Arrasaten sute batean zauritutako gizona hil egin da
Sutea ostegunean jazo zen, etxebizitza-bloke bateko sotoetan. 41 urteko gizona Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.
Uztailaren 7ko entzierroa, zuzenean
Uztailaren 7ko entzierroa, zuzenean Orainen, 7: 45etatik aurrera.