Hauek dira M8rako deituta dauden mobilizazio nagusiak
Euskal Herriko Mugimendu Feministak 2018ko martxoaren 8ko greba feminista bultzatu du Emakumearen Nazioarteko Egunean. Hala, 70 herrialdek babestutako mundu ekimenarekin bat egingo du. Besteak beste, emakumeek gizarte-eragile gisa duten garrantzia ezagutarazi nahi du egitasmoak, indarkeria matxista salatu eta lanaren (ordaindutakoa zein ordaindu gabea) balioa aldarrikatzeaz gain.
INFORMAZIO EGUNERATUA, MARTXOAK 8AN: Emakumeek eta aldarrikapen feministek hartu dituzte Euskal Herriko kaleak
Lau arlotan deitutako greba da: lanean, hezkuntzan, zaintzan eta kontsumoan. "Emakumeak geldituko bagina, mundua gelditu egingo litzatekeela" erakustea da helburua.
Euskal Herriko Mugimendu Feministak, gehiengo sindikalak (ELA, LAB, Steilas eta ESK) babestuta, lau orduko lanuzteak deitu ditu: goizean, 11:00etatik 15:00etara; arratsaldean, 18:00etatik 22:00etara. UGT eta CCOO sindikatuek, berriz, bi orduko lanuzteak deitu dituzte: 11:30etik 13:30era eta 16:00etatik 18:00etara. CGT eta CNT sindikatuek, ostera, egun osoko greba deialdia egin dute.
Halaber, ikastetxeetan eta familiaren zaintzan ere geratzeko proposamena egin du. Bestalde, ez erosi edo kontsumitzeko deia ere proposatu du, batez ere "tasa arrosa" deritzona duten produktuak (konpresak eta tanpoiak, emakumeentzako depilatzeko xaflak, emakumeei zuzenduta iragartzen diren kremak, etab.). Merkataritza gune handietan edo marka handiak ez erostea ere eskatu du.
Horrez gain, egun horretan emakume guztiak arropa beltzez eta besoko moreak jantzita joan daitezen aldarrikatu du Mugimendu Feministak. Bide batez, etxeko balkoian amantal bat jartzeko ideia zabaldu du, etxeko lanak ere agerian uzteko.
Mobilizazio ugari antolatu dira martxoaren 8rako Euskal Herrian: 12:00etan eserialdiak eta 20:00etan manifestazioak hiri nagusietan. Honako hauek dira ekitaldi esanguratsuenak:
BILBO
11:00: Kalejira feminista Unamuno Plazatik
12:00: Eserialdi isila Plaza Eliptikotik
14:00: Bazkaria pelota kalean, norberak etxetik dakarrenarekin
16:00: Ekintzak Tawir Fundazioaren, Histeriak Kolektiboaren eta Biotxerreren eskutik, La Bolsan
18:00: Kalejira feminista Plaza Eliptikotik (zarata egiteko tresnaren bat ekarri)
20:00: Manifestazioa Jesusen Bihotza plazatik
DONOSTIA
11:00: Bizikletaldi desobedientea Arcotik Zurriolara
12:00: Eserialdia Boulevarden
13:30: Kalejira feminista
14:30: Gipuzkoa plazan bazkaria, norberak etxetik ekarritakoarekin
20:00: Manifestazioa Boulevarden
24:00: Festaren amaiera Guardetxen
GASTEIZ
07:00: Auzoak dekoratu
09:45: Propaganda banaketa Desamparadasen
11:00: Propaganda banaketa Bilbo Plazan eta Foru Aldundian
12:00: Eserialdia Loma Jeneralaren plazan, eskulturaren alboan
15:00: Tuper bazkaria, gaztetxean
17:00: Kafea Hala Bedi tabernan
18:30: Propaganda banaketa Fariñasen
20:00: Manifestazioa San Anton plazatik
IRUÑA
12:00: Ekitaldi politikoa Sarasate pasealekutik
14:00: Norberak kudeatutako bazkaria
20:00: Manifestazioa Gaztelu plazatik
BAIONA
12:00: Eserialdia eta ondoren bazkaria Herriko Etxeko Plazan
18:00: Kontzentrazioa Udaletxean
Zure interesekoa izan daiteke
COIk debekatu egin die trans emakumeei emakumeen kategorietan lehiatzea
SRY genearen detekzioan oinarritutako neurria 2028an sartuko da indarrean Los Angelesen, atzerako eraginik gabe.
Nor da Bermeoko portuko argazkiko neska? Hibai Agorria argazkilariak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzua. Osakidetzaren zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.