Mugimendu feminista: 'M8ko indar erakustaldia bide luze baten abiapuntua da'
"Mugarri", "inflexio puntu", "indar erakustaldi" bezalako hitzak izan ditu ahotan mugimendu feministak martxoaren 8ko greba "historikoa" deskribatzeko. Dataz harago, ostegun honetan Euskal Herriko kaleetan egindako "indar erakustaldia bide luze baten abiapuntua" dela azpimarratu du Itziar Gandarias Euskal Herriko mugimendu feministako kideak.
ETBn egin dioten elkarrizketa batean nabarmendu duenez, "oso pozik" daude Euskal Herriko "hiriburuetan, baina batez ere herrietan" martxoaren 8an ikusitakoarekin. "Deszentralizazioa" aipatu du Gandariasek greba honen lorpen gisa, izan ere, "Euskal Herriko txoko guztietan izan dira asanbladak. Jendea parte sentitu da".
"Feminismoaren baitan aniztasun handia dago, baina hori beti hartu dugu ontzat. Adin, ideologia politiko, jatorri eta klase ezberdinetako emakumeak kalera atera ginen atzo", azpimarratu du Gandariasek. Hori da, horren hitzetan, mugimendu feministak greba honi egindako ekarpen garrantzitsuenetakoa: "Gauzak nola egin ditugun".
Gandariasen esanetan, "inoiz ikusi gabeko mobilizazioa" izan zen martxoaren 8koa, baina "atzokoarekin ez da bukatu, bide luze baten abiapuntua da indar erakustaldia", erantsi du.
Etorkizunera begira dituzten erronkei buruz galdetuta, proposamen asko dituztela azaldu du mugimendu feministako kideak. "Diskurtso hutsaletatik atera eta gauzak konkretuak egiteko garaia da orain", erantsi du, eta horretarako "dirua" behar dela erantsi. Hain justu, M8ko mobilizazioak "borrokan jarraitzeko" eta berdintasun planak gauzatzeko "presio" egiteko indarrak eman dizkiela esan du Gandariasek.
Bilgune Feminista: "Salto kualitatiboa eman dugu"
Antzeko balorazio eta azpimarrak egin ditu Saioa Iraola Bilgune Feministako kideak ere. M8ko grebarekin "salto kualitatiboa eman" dutela uste du Iraolak. Euskadi Irratian egin dioten elkarrizketa batean nabarmendu duenez, "oraindik zenbaketa ofizialik egin ez badute ere, mobilizazioetan, guztira 200.000 lagunetik gora batu zirela aurreratu du.
Iraolaren esanetan, "emakumeek kaleak hartu zituzten, eta ez bakarrik hirietan, herrietan ere bai. Hori zen erronka handiena". Horren adibide, Araitz bailaran (Nafarroa) izandako mobilizazioa aipatu du, "sekula M8ko mobilizaziorik izan ez den lekuan, 100 emakume bildu ziren".
Erronkak aipatuta, Iraolak esan du orain "ardura politikoan jarraitzea" tokatzen zaiola mugimendu feministari, "erakundeei exijituz".
Hamarnaka mila emakume bildu ziren goizean Bilboko udaletxearen aurrean. Argazkia: EFE
Emakundek zorionak eman dizkie antolatzaileei
Erakundeen aldetik, zorion mezua bidali nahi izan die Izaskun Landaida Emakundeko zuzendariak mugimendu feministako kideei "egindako lanarengatik eta hainbeste emakume biltzeko proposamen bat egiteagatik". Landaidaren hitzetan, "historikoa" izan zen martxoaren 8a, "inflexio puntu bat".
Radio Euskadin egin dioten elkarrizketa batean azaldu duenez, berdintasuna "ikasi egiten da, eta gaztenei irakatsi egin behar zaie". Hori horrela, Emakundeko buruak uste du osteguneko grebak lagunduko duela feminismoaren aldeko "pedagogia" egiten.
"Emakume askok parte hartu zuten atzoko mobilizazioetan, eta uste dut horrek lagunduko duela pedagogia egiten", esan du Landaidak.
Albiste gehiago gizartea
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
28 urteko gazte baten hilketarekin lotura dutelakoan, hiru gazte atxilotu ditu Ertzaintzak. Josu Bujanda ertzainburuak azaldu duenez, gertatutakoa "ustekabekoa" izan zen. "Etxerako bidean, elkar ezagutzen ez ziren bi gazte talde ziren", esan du.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.