Epaileak ostegunera arte luzatu du Ana Julia Quezadaren atxiloaldia
Gabriel Cruz mutikoaren heriotza ikertzen ari den Rafael Soriano epaileak ostegunera arte luzatu du Ana Julia Quezada ustezko hiltzailearen atxiloaldia. Andaluziako Justizia Auzitegi Nagusiak jakinarazi duenez, izapide gehiago egin behar dituzte.
Atxilotua 15:00ak aldera atera da Almeriako 5. Instrukzio Epaitegitik eta Guardia Zibilaren kuartelera eraman dute. Segur aski, ostegunean berriro ere epailearen aurrera eramango dute.
Epaitegien atarian, dozenaka lagun elkartu dira Ana Julia Quezada iraintzeko. Are gehiago, horietako asko atxilotuarengana gerturatzen saiatu dira, baina Poliziak eragotzi egin die.
Ana Julia Quezada, Gabriel Cruz Almeriako 8 urteko mutikoa hil zuela aitortu duen emakumea, gaur pasatu da Almeriako 5. Instrukzio Epaitegiko Rafael Soriano epailearen aurretik. Atzo Guardia Zibilaren aurrean aitortu zuen berak hil zuela mutikoa; lehenik aizkora baten buruarekin buruan kolpe bat eman zion eta gero ito egin zuen.
Emakumea 07:00ak aldera heldu da Guardia Zibilaren kuarteletik Almeriako Justizia Hirira. Ana Julia Quezada, haurraren aitaren egungo bikotekidea, igandean atxilotu zuen Guardia Zibilak Vicar herrian, autoan umearen gorpua zeramala geldiarazi ostean.
Atxilotuak atzo Guardia Zibilaren aurrean egindako deklarazioan aitortu zuenez, eztabaida baten baitan, aizkora baten buruarekin kolpe bat eman zion buruan lehenik eta ito egin zuen gero. Ia bi ordu eman zituen deklaratzen, eta bakarrik jardun zela azpimarratu zuen.
Guardia Zibilaren aurrean egindako deklarazioaren arabera, haurra desagertu zen egunean bertan (otsailaren 27an) hil zuen. Ana Julia Quezadaren esanetan, aurrez mutikoak eraso egin zion eta berak kolpe gogor batekin erantzun zion. Autopsiaren arabera, Gabriel Cruz 8 urteko mutikoa itota hil zen.
Hilketa aitortu ostean, Rodalquilar udalerrira eraman zuen Guardia Zibilak, gertatutakoa berreraikitzeko.
Bestalde, Gabriel Cruzi gertatutakoa argitzeko ardura bere gain duen Rafael Soriano epaileak gorpua erraustea debekatu du, froga gehiago egin beharko ez dizkiotela erabat baztertu arte.
Aizkora topatu dute
Ito baino lehen, Ana Julia Quezadak ustez umeari kolpea emateko erabili zuen aizkora aurkitu du Guardia Zibilak, ikerketako iturriek baieztatu dutenez. Bestalde, ikuspuntu polizialetik auzia erabat argitu dutela erantsi dute iturriek.
Antza denez, Quezadak aitortu duenez, biek aizkoragatik eztabaida izan zuten, eta liskarrean emakumeak umeari lanabesaren alde kamutsarekin jo zion.
Guardia Zibilak prentsaurrekoa emango du ostegun honetan, Almerian, ikerketako xehetasun guztien berri emateko.
Albiste gehiago gizartea
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.