Almerian desagertutako 8 urteko umearen gorpua aurkitu dute
Poliziak hilda aurkitu zuen atzo, igandea, Gabriel Cruz, otsailaren 27an Nijarren (Almeria, Espainia) desagertutako 8 urteko umea. Adingabearen aitaren bikotekidea atxilotuta dago, hiltzailea delakoan, ikerketa iturrien arabera. Emakumeak haurraren gorpua autoaren maletategian zuen ezkutatua, atxilotu zutenean.
Gabriel Cruz umea hiltzea egotzita atxilotu duten emakumea Ana Julia Quezada Cruz da. Jatorriz Dominikar Errepublikakoa da, eta orain dela hilabete batzuk hasi zuen harremana Angel Cruz mutikoaren aitarekin, Cruzen senideen arabera.
Umea galdu baino lehen, orain dela bi aste, atxilotua eta umearen amama egon ziren Gabrielekin etxean.
Las Hortichuelaseko bizilagunak Eferi adierazi diotenez, aurreko larunbatean, martxoak 3, hartu zioten susmo txarra atxilotuari, umearen barruko kamiseta zuria topatu zuenean, Angel Cruzekin zegoela. Kamiseta zuri horrek umearen DNA zuen. Antza, mendian topatu zuen, araztaile baten ondoan, desagertu eta lau egunera. Boluntarioek, Guardia Zibilak eta suhilzaileek miatu zuten gunea, baina ez zuten ezer gehiago aurkitu.
BIDEOA: Gabrielen aitaren bikotekidea atxilotu dute, umearen gorpua autoan zeramala:
Gabriel Cruz azkenekoz otsailaren 27an ikusi zuten, aitaren aldeko amonaren etxetik atera ostean. Lehengusuen etxera joateko 100 metroko ibilbidea egin behar zuen, Las Hortichuelasen, baina ez zen iritsi.
Gabrielen hilotza Almeriako Auzitegi Medikuntzako Institutura heldu da igande arratsaldean, bertan autopsia egin diezaioten.
12.000 bat pertsonek isilunea egin dute Almerian
Espainiako Gobernuaren Ordezkaritzaren datuen arabera, 12.000 bat pertsona izan dira Almeriako Udalak deitutako elkarretaratzean, Gabriel Cruzen heriotza dela eta.
19:00etan, Purchenako Atean, duela bi egun 8.000 pertsonak adingabea agertzeko eskatzen zuten lekuan, milaka lagun izan dira. Pankartetan mezu hauek irakur zitezkeen: "Indar asko, Patricia", "Arraitxo, hegalak irten zaizkizu" eta "Beti gogoan izango zaitugu".
Megafoniatik bost minutuko "errespetuzko isilunea" eskatu dute, eta "kontsignen unea" ez dela azpimarratu dute. "Isiltasuna Almeriako hiriaren negarra da", esan dute.
Hiru dolu-egun
Nijar udalerriko ezohiko bilkurak hiru dolu-egun ezarri ditu Gabriel haurraren heriotzagatik. Bestalde, Almeriako Abokatuen Elkargoak doako laguntza juridikoa eskaini dio Gabrielen familiari, "dagokion unean" akusazio partikularra abiatzeko.
Doluminak sare sozialetan
Bestalde, haurraren familiari doluminak agertzeko dozenaka mezu zabaldu dituzte sare sozialetan ordezkari politikoek eta erakunde sozialek. Mariano Rajoy Espainiako Gobernuko presidenteak Twitter bidez adierazi du "espainiar guztien mina partekatzen" duela, #TodosSomosGabriel traola erabilita.
Susana Diaz Andaluziako presidenteak bere "babesa" helarazi die adingabearen gurasoei. "Ikaratuta Gabriel txikiaren gorpuaren aurkikuntzagatik. Ez dago horrelako mina adieraz dezakeen hitzik", idatzi du Twitterren.
Juan Ignacio Zoido Barne ministroak, aldiz, errespetua eskatu du Guardia Zibilak abian duen ikerketarentzat.
Ada Colau Bartzelonako alkateak Twiterren zabaldu duenez, "Gabriel umetxoaren bilaketa jarraitu dugu oso keztatuta, eta amaierarik txarrena izan du. Bartzelonatik maitasun osoa senideentzako eta Las Hortichuelas herriarentzako, dena egin baitzuten hura aurkitzeko".
Pablo Iglesias, Albert Rivera eta Pedro Sanchez, Podemoseko, Ciudadanoseko eta PSOEko buruek, hurrenez hurren, euren doluminak ere agertu dizkiete Gabrielen senideei.
Bestalde, Save The Children erakundeak azpimarratu du indarkeria mota guztietako biktima diren haurrak babesteko legea "premiazkoa" dela.
Zure interesekoa izan daiteke
Emakume batek sexu-erasoa salatu du Bilbon
Ertzaintzak ikerketa abiatu du eta ustezko erasotzailea atxilotu du, 26 urteko gizon bat, sexu-askatasunaren aurkako delitua egotzita. Erasoa larunbat goizean jazo zen, Bilboko Iturralde auzoko hiri-eremu batean.
Erandioko birziklatze enpresa batean sutea izan dela eta, Osasun Publikoak airearen neurketak egin behar izan ditu
Sua igande goizaldean piztu da, material elektronikoa eta hondakin-materiala erre ditu, eta, ondorioz, ke-hodei beltza sortu da.
Vall d'Uixoko suteak kontrolik gabe jarraitzen du
Eguraldiak hobera egin du gauean, eta kontrolguneak indartu dituzten arren, suak aktibo jarraitzen du. Milaka pertsona ebakuatu dituzte.
Tuterako jaietan adingabe bati egindako bortxaketa ikertzen ari dira
Ustezko erasotzailea identifikatu dute jada. Biktimak oraindik ez du salaketa aurkeztu, baina gertatutakoa ikertzen ari diren agenteek esan dute laster egin dezakeela.
Fiskaltzak baztertu egin du Pablo Ibar kasuan lekuko berri bat galdekatzea
Jatorri euskalduna duen presoaren defentsak hura errugabetu lezakeen lekukotza du, eta alegazioak aurkeztuko ditu epaileak beste prozesu bat abia dezan.
Biscarrosse, arimarik gabeko herria: suak etxeak suntsitu eta bazterrak belztu ditu
Guztira 18.000 bat herritar bizi dira bertan, eta etxetik irteteko agindu diete denei. Suak eragindako kalte materialak agerikoak dira. Etxeak erreta, suntsituta, eta han eta hemen, bazterrak belztuta.
UMEk kontrolatutzat jo du Madril eta Avila arteko sute handia, baina oraindik badira su-gune aktiboak
Baldintza meteorologikoek hobera egin dute, eta horri esker aurrera egin dute sua kontrolatzeko lanetan. Suteak 45.000 hektarea ingururi eragin dio, eta ia 100.000 pertsona daude ebakuatuta edo konfinatuta.
Madrilgo eta Avilako suteek 88.500 pertsona ebakuatzera edo konfinatzera behartu dituzte
Suteek ia 45.000 hektarea kiskali dituzte. Espainiako Gobernuak Toledoko probintziara zabaldu du suteengatik ezarritako larrialdi nazionala. Marlaska ministroak gau "oso zaila" iragarri du, suteen "batasun teknikoaren" ostean.
Pertsona bat hil da eta bost ospitaleratu dituzte sute baten ondorioz Manisesen
Sua larunbatean piztu da, 12:45 aldera, sasi-eremu batean. Suhiltzaileen arabera, sua egonkortu dute jada.
Zornotzan istripua izan eta hil den txirrindulari bati gertatutakoaren lekuko bila ari da Ertzaintza
Istripua larunbat goizeko lehen orduan gertatu da, eta pertsona batek aurkitu du txirrindularia errepidean botata. Zauritua larri eraman dute Gurutzetako Ospitalera eta bertan hil da handik ordu batzuetara.