Gizon batek bikotekide ohia eta haren ama hil ditu Gasteizen
Ama eta 43 urteko alaba hil dira Gasteizko etxebizitza batean, antza, alabaren bikotekide ohiaren esku. 46 urteko gizona atxilotu dute etxebizitzari sua eman ostean eta zortzi pisuko altuera batetik suhiltzaileek jarritako lona baten gainera salto egin ostean.
Segurtasun Sailak jakinarazi duenez, gizonak, antza, lepoa moztu dio gazteenari, eta berehala hil egin da; 69 urteko ama, berriz, Txagorritxu ospitalerako bidean hil egin da.
Tragedia 11:30 aldera gertatu da Julian Arrese kaleko 6. zenbakian, Gasteizko Lakua auzoan. Hainbat auzokidek Ertzaintzari deitu diote, etxean liskar bat zegoela esateko.
Erasotzailea etxe barruan giltzaperatu da eta Ertzaintza eraikinean sartu denean etxeari su eman dio.
Suhiltzaileek lona bat jarri dute kalean salto egingo zuelakoan, eta 13:00k aldera salto egin du. Ondoren atxilotu eta Santiago Ospitalera eraman dute anbulantzia batean.
Bikoteak bi seme-alaba zituen, 11-12 bat urteko mutiko bat eta 8-9 urteko neskato bat. Goizean ikastetxetik eraman dituzte, gertakariaren berri izan ondoren.
Umeen amonak eta haren senarrak, nahiz eta Gasteizen jaio ez, Pilarreko auzoan ia bizi osoa eman dute, familiaren hurbilekoek jakinarazi dutenez.
Atxilotua eta emazte ohia duela zenbait hilabete banandu ziren. Emakumeak ez du sekula salaketarik aurkeztu, Segurtasun Sailak azaldu duenez.
Udaleko Bozeramaile Batzordearen adierazpena
Gasteizko Udalak elkarretaratzea deitu du arratsalderako bi emakumeen heriotza gaitzesteko.
Elkarretaratzea Espainia Plazan egin dute, "Gasteiz: eraso matxisten aurka" lelopean. Bertan, Udal agintariak, Ramiro Gonzalez ahaldun nagusia edo Izaskun Landaida Emakundeko zuzendaria izan dira, besteak beste.
Udaleko banderak haga erdian jarriko dituzte dolu-seinale moduan eta biktimei errespetua erakusteko.
Halaber, Udalak agiri ofiziala argitaratu du bere gaitzespena adierazteko, eta biktimen senide eta lagunei laguntza emateko.
Emakumearen Euskal Institutuaren gaitzespena
Emakundek Gasteizen gertatutako bi emakumeren hilketaren aurrean bere gaitzespen irmoena azaldu du eta emakumeen aurkako indarkeria mota hau menpekotasun eta emakume eta gizonen arteko ezberdintasunaren adierazgarri latz eta gogorrena dela gogorarazi du.
Emakundeko zuzendariak zendutakoen familia eta lagunei bere doluminak eta elkartasuna azaldu eta herritarrei elkarretaratzean parte hartzeko deia luzatu die, emakumeen kontrako indarkeriarik gabeko gizarteko bat eraikitzeko herritarren jarrera aktiboa ezinbestekoa dela gogoraraziz. Izaskun Landaida, Emakundeko zuzendaria, eta Zuriñe Elordi, idazkari nagusia bertan izan dira.
____________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.