Biktimaren abokatuek epaia errekurrituko dutela jakinarazi dute
Jada 'La manada' kasua bezala ezagutzen den auziaren akusazio partikularak ere epaiaren kontrako errekurtsoa aurkeztuko duela jakinarazi du gaur. Ostegunean egin zen publiko bost akusatuak bederatzina urte kartzelan egotera zigortzen dituen epaia, "sexu-abuso" delituagatik. Polemika sortu zuen epaiak, "sexu-eraso" gisa kalifikatu baitzuten fiskalak eta akusazioek neskari gertatua, eta 22-25 urte arteko kartzela-zigorrak eskatzen zituzten.
Kasua epaitu duen epaimahaiak, baina, "sexu-abusua" leporatu die bost akusatuei, ez bortxaketa edo "sexu-erasoa", emakumea behartu eta menderatu egin zutela onartu badu ere.
"Helegitea jarriko dugu, noski" baieztatu du gaur Miguel Angel Moral abokatu madrildarrak, Carlos Bacaicoa nafarrarekin batera, biktima ordezkatu duen letraduak.
Baieztapen honen ostean jada esan daiteke 'La manada' auziko parte guztiek helegitea jarriko dutela epaiaren aurka, eta Nafarroako Justizia Auzitegi Nagusiak ebatzi beharko duela orain. Iturri batzuen arabera, irailean atera daiteke epaia.
Fiskaltzak, akusazio partikularrak eta Iruñeko Udalak zein Nafarroako Gobernuak 2016ko uztailaren 7 goizaldean gertatu ziren egintzak legez "sexu-eraso" gisa kalifikatzeko eskatuko dute, biktima "menderatuta" zeukatela ziurtzat ematen baitu epaiak berak.
Bost gizonen defentsek, berriz, absoluzioa eskatuko dute euren helegitean. Horretarako babesa sentitzen dute epai hau eman duen Nafarroako Auzitegiaren Bigarren Sekzioko magistratuetako batek emandako boto partikularra irakurrita.
Zure interesekoa izan daiteke
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.