Milaka lagun kalera atera dira, 'La Manada' taldearen epaia gaitzesteko
Milaka pertsonak, emakumeak gehienak, elkarretaratzeak egin dituzte ostiral honetan EAEko hiriburuetan eta Iruñean, Nafarroako Auzitegiak "La Manada" taldearen epaiketa dela eta hartutako erabakia irmotasunez gaitzesteko.
Atzo, "La Manada" taldekoei 9 urteko kartzela-zigorra ezarriko zietela jakin ondoren izandako protesta jendetsuen ostean, gaur, emakumeak berriro Bilboko, Donostiako, Gasteizko eta Iruñeko justizia jauregien aurrean bildu dira.
Hori horrela, Bilboko auzitegien aurrean 2000 lagun baino gehiago bildu dira, gehien bat emakumeak.
Talde feministek deituta, "Ez da abusua, bortxaketa" dela aldarrikatu dute oihuka, eta Buenos Aires kalea itxi dute, hor baitago Bilboko Justizia Jauregia. Gainera, manifestariek lelo bera zuen pankarta bat zabaldu dute.
Andrea izeneko manifestari baten hitzetan, emakumeok, alde batetik, "lotsa sentitzen dugu" epai horrengatik; bestetik, "urduri, triste eta amorruz beteta gaude, baina indartsuak gara eta Iruñeko biktimari gure solidaritatea erakusteko asmoa daukagu".
Gasteizko gaurko elkarretaratzea. Argazkia: EFE.
Donostian, mila eta erdi pertsona inguru bildu dira "La Manada" taldearen epaia gaitzesteko.
Talde feministetako kideek bi pankarta jarri dituzte, eta "ez da abusua, bortxaketa da" edo "hara zer justizia txarra, biktima epaitu duzue" leloez gain, 'Manada', entzun, pin, pan, pun" eta "bortxatzaileak sutara" oihukatu dituzte.
Gasteizen, 200 pertsona izan dira hiriko Justizia Jauregiaren aurrean. Manifestarien artean legebiltzarkideak ere izan dira.
Pintadak Iruñeko Auzitegietan. Argazkia: EFE.
Iruñean, berriz, ehunka emakume gazte bildu dira, "Ez beti da ez. Justizia" lelopean, eta "hau bai da terrorismoa" bezalakoak oihukatu dituzte. Gainera, boto partikularra erabilita akusatuen absoluzioa eskatu zuen epailearen inhabilitazioa eskatu dute.
Zure interesekoa izan daiteke
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.