16 dira jada Kote Cabezudo argazkilariaren aurka jarritako salaketak
Antxon Masse Kote Cabezudo auziko akusazioaren abokatu laguntzaileak adierazi duenez, 16ra igo da jada argazkilari donostiarraren aurka salaketa jarri duten biktima kopurua, besteak beste, bortxaketak, sexu-abusuak, sekretuak azaleraztea, iruzurrak eta mehatxuak egitea egotzita.
'Esta Pasando' ETBko saioan mintzatu da Masse, eta, guztira, argazkilariak ustez egindako abusuen 22 biktima identifikatu dituztela jakinarazi du.
"Biktimak justiziaren biktima ere izan dira, sexu-gehiegikeriez gain", kritikatu du abokatuak, auzia instrukzio fasean ez aurrera ez atzera egon den bost urte horiek direla eta.
Horren ildotik salatu duenez, biktimak "susmagarriak bailiran" jokatu dute, "bereziki lehen salatzailearen kasuan". Masseren esanetan, "ez dute ezer egin jasaten ari ziren kalteak eteteko".
Azken bost urteetako epailearen aurka hainbat kereila aurkeztu ondoren, Euskal Autonomia Erkidegoko Auzitegi Nagusiak (EAEAN) epailea auzitik kentzea erabaki zuen.
Neurri horren ostean, epaile berriak auziaren norabidea aldatu eta, "soilik bederatzi egunetan", Cabezudo espetxera bidali eta bederatzi auzi berri abiaraztea erabaki zuen.
Biktimen artean adin askotako neska eta emakumeak daude, baina horietako batek salatu duenez, "12 urte zituen" abusuak jasaten hasi zenean.
Nahiz eta 22 biktima identifikatuta egon, horietako batzuek ez dute oraindik salaketa aurkezteko erabakia hartu.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.