Uholdeak izan dira Arabako, Bizkaiko eta Gipuzkoako hainbat herritan
Uholdeak izan dira Arabako, Bizkaiko eta Gipuzkoako hainbat herritan. Euriteengatik abisu horia zegoen ezarrita, 12:00etatik 21:00etara, eta aurreikuspenak bete egin dira.
Eusko Jaurlaritzako Larrialdiei Aurre Egiteko eta Meteorologiako Zuzendaritzak jakitera eman duenez, Atxondon, Elorrion, Laudion eta Amurrion hainbat etxe eta garaje urpean geratu dira. Antzuolan, berriz, Gi-632 errepidea itxi egin dute, ur putzuengatik.
Bizkaia
Atxondon, ibaiak gainezka egin du eta hainbat etxebizitzatan sartu da. Gauza bera gertatu da Abadiñon eta Elorrion. Azken horretan N-636 errepidea ere itxita egon da 19:00ak arte bi norabideetan, ur putzuak direla eta.
Abadiño urak hartuta ikus dezakegu bideo honetan:
Hain zuzen ere, Modesto Sanchezek Atxondoko uholdeen bideo hau bidali du eitb.eus-era.
Eta Adrian Garciak Ermuako uholdeen bideo hau bidali du EiTBko webgunera.
Tximista, Bilbo gainean. EitB
Araba
Araban ere arazo ugari sortu ditu urak. Laudion, adibidez, 30 litro erori dira 20 minutuan; eta Orozkon, 30 litro 30 minutuan. Hala, uholdeak izan dira bi herri horietan, eta Amurrion ere bai (30 litro 30 minutuan). Hemen duzue Amurrion grabatutako bideoa:
Gipuzkoa
Ertzaintzak kontuz gidatzeko eskatu du Antzuola eta Bergara artean. Izan ere, ur putzu handiak daude Gi-632 errepidean, eta itxi egin behar izan dute 20. kilometro parean.
Ura sartu da, gainera, hainbat behe solairutara, tartean, Antzuolako Jubilatuen etxera.
Bergaran ere uholdeak izan dira. Hemen Aitor Ruiz de Egino Bergarako Urteaga auzoan grabatu duen bideoa.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.