3,7 milioi euro urtean, Bizkaiko pertsona zaintzaileen egoera hobetzeko
Pertsona zaintzaileen egoera hobetzeko, urtero 3,7 milioi euro bideratuko ditu Bizkaiko Aldundiak. Gainera, Pertsona Zaintzaileen Estatutua bultzatuko du. Uda baino lehen testua onartzea espero du.
Unai Rementeria Bizkaiko ahaldun nagusiaren hitzetan, erabakiak foru erakundea “Europako abangoardia sozialean kokatzen du, Finlandiaren maila berean”.
Pertsona Zaintzaileen Estatutua aurkeztu du Rementeriak prentsaurrekoan. Erantzukizun publikoko neurri-sorta pixkanaka-pixkanaka ezarriko dute, “beste batzuk zaintzen dituzten pertsonen lana aitortu, babestu eta hobetzeko” helburuarekin.
Urte bukaerara arte Aldundiak martxan jarriko dituen neurrien artean, pertsona zaintzaileen aurreikuspen sistemen ekarpenei “laguntzeko” BGAE (borondatezko gizarte-aurreikuspeneko erakundea) bat abian jarriko dute, Remeneteriak goraipatu duenez.
Lehen mailako dependentzia duten pertsonen zaintzaileei hilean 15 euroko ekarpena egingo die Aldundiak, eta 20 eurokoa bigarren edo hirugarren mailako dependentzia duten pertsonen kasuan.
Sisteman sartzea (baimena eta ekarpena) borondatezkoa izango da, eta pertsona zaintzaileak espresuki eskatu beharko du. 2019ko urtarrilaren 1etik aurrera jarriko da martxan.
Era berean, apurka-apurka kasu koordinatzailearen edo diru-laguntzaren onuradunarentzako erreferentziazko pertsonaren figura barneratzeko asmoa du Bizkaiko Foru Aldundiak.
Bestalde, pertsonen zaintzak sor ditzakeen osasun arriskuak murrizteko helburuarekin, hasiera batean 90 azterketa mediko egingo dituzte; lanak sortzen dituen patologia ohikoenak ezagutzeko.
Estatutuari atxikitako pertsona zaintzaile guztiek atsedenaldi bat hartzeko eskubidea izango dute, horretarako ezartzen diren baldintzetan. “Zaintzaileak zaindu nahi baditugu, pertsona horien atsedena erraztu behar dugu”, adierazi du Rementeriak.
Bizkaitarren % 80 baino gehiagok etxean jarraitzeko borondate argia azaltzen dute, baita dependentzia egoeratan ere. Zaintzaileak gehienetan senide zuzenak dira, eta emakumeak gehienbat.
Zure interesekoa izan daiteke
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.