Bost urteko zigorra Gasteizko irakasle bati, bi ikasleri sexu-abusuak egitegatik
Arabako Lurralde Auzitegia bost urte eta bederatzi hilabeteko kartzela-zigorra ezarri dio Gasteizko nekazaritza institutu bateko irakasle bati, bi ikasleri sexu-gehiegikeriak egiteagatik eta lankide bat jazartzeagatik.
Fiskaltzak eta akusazio partikularrak 18 urte eta sei hilabeteko kartzela-zigorra eskatu zuten; Eusko Jaurlaritza ere epaiketan parte izan zen eta 17 urte eta bederatzi hilabeteko espetxealdia galdegin zuen. Defentsak, ostera, akusatuaren absoluzioa eskatu zuen.
Alabaina, epai-mahaiak ebatzi du hasieran batean leporatu zizkioten hainbat delitu frogatu gabe geratu direla, tartean sexu-erasoarena, eta, ondorioz, eskatutakoa baino zigor txikiagoa ezarri dio azkenean.
Gertakariak 2015-2016 ikasturtean jazo ziren eta egun akusatua irakasle lanetan aritzeko gaitasunik gabe dago.
Epaiaren arabera, gizonezkoak bi ikasleengandik hurbil egotea bilatzen zuen, komentario deserosoak egiten zizkien eta besoak, izterrak eta gerrialdea ukitzen zizkien. Neska horietako bat adingabea zen irakaslearen gehiegikeriak pairatu zituenean. Bularra eta ipurdia ukitu zizkion.
Ebazpenak dio ikasle horietako hormaren kontra jarri zuela, lizunkeriaz, eta kili-kiliak egiteko aitzakiarekin arroparekin ukituak egin zizkiola. Akusazioek sexu-erasoa izan zela salatu zuten; epai-mahaiak, baina, biktimen kontra indarkeria erabili zuela esateko froga nahikorik ez dagoela ondorioztatu du.
Akusatuaren lankideari dagokionez, epaiak dio zortzi urtez jarraian (2007tik 2015era) bere itxura fisikoari buruzko mezu deserosoak bidaliz jazarri egin zuela. Gainerako lankideak aurrean ez zeudenean, hots, biak bakarrik geratzen ziren uneak baliatzen zituen biktimarengana hurbildu eta ukituak egiteko.
Gauzak horrela, epai-mahaiak sexu-abusu eta jazarpen delituak egotzita zigortu egin du Gasteizko irakaslea. Sexu-eraso delituaren kasua, berriz, absolbitu egin du.
Horrez gain, 7.000 euroko kalte-ordaina eman beharko die biktimei. Eusko Jaurlaritzaren Hezkuntza Sailaren ardura izango da zenbateko hori ordaintzea.
Epaia ez da irmoa eta, beraz, akusatuak EAEko Justizia Auzitegi Nagusian helegitea aurkezteko aukera izango du.
Zure interesekoa izan daiteke
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera doazenei eta Zubietara doazen Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipenak ospatu baitituzte.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.