Valentzian igandetik aurrera espero dute 'Aquarius' ontzia
Italiako uretatik barrena, Espainiako Estatura bidean jarraitzen du 630 pertsona barruan daramatzan Aquarius ontziak. Hiru itsasontzik osatzen dute flota (Aquarius bera eta beste bi ontzi militar), eta dena ondo bidean, igandean helduko dira Valentziara. Portura iritsiera modu mailakatuan egingo dute, Joan Ribo Valentziako alkateak argitu duenez.
"Igandean hasiko dira sartzen. Itsasontzi bat ez da hegazkina, ezta AVEa ere, hortaz, eguraldiaren arabera mailakatu egingo dute sarrera", azaldu du Ribok RNE irrati katean egin dioten elkarrizketa batean.
Valentziako alkatearen hitzetan, ontziak banan-banan sartzeak mesede egingo dio harrera operazioari, "hobeto artatuko ditugu bidaiariak", erantsi du.
Bestalde, Aquarius ontzian dagoen Alessandro Porro SOS Mediterranee gobernuz kanpoko erakundeko kideak azaldu duenez, Korsika eta Sardinia uharteak banatzen dituen Bonifacio itsasartea igaro du itsasontziak, eta laster Asinara uhartearen aurretik pasatuko da. Italiatik urrunduz doaz, beraz.
Harrera, adituen esku
Valentziako alkateak nabarmendu du hiria lasai dagoela, eta prestaketa guztiak "adituen esku" daudela. Beste xehetasunik ez du eman Compromiseko buruzagiak.
Argitu duenez, 630 lagunak taldetan banatuko dituzte: haurdunak, zauritutakoak, umedun familiak, bakarrik datozen gazteak, eta azkenik, adineko pertsonak.
Eta ondoren, zer?
Etorkinei harrera egiteko prestaketak antolatzen ari diren iturriek Europa Press agentziari azaldu diotenez, 630 pertsonei 90 eguneko egonaldi baimena emango diete, baina baliteke, behin identifikatuta, horietako batzuk —aurrekariak badituzte edota lurralde batean sartzeko debekua badute— atzerritarren atxikitze-zentro (CIE, gaztelerazko sigletan) batera eramatea.
Dena dela, iturrion arabera, Aquarius ontzian egoteagatik izaera berezia dute atzerritarrok, euren jatorria edota ibilbide pertsonala gorabehera. Guztira, 26 nazionalitateko pertsonak daude itsasontzian.
'Aquarius'en doazen pertsonetako batzuk. Argazkia: SOS Mediterranee (EFEren bitartez jasoa)
Bi gai horiei buruz galdetu diote Ribori. Alkatearen ustez, Estatuak badu eskuduntza, eta "logikoena" 630 pertsona horiei errefuxiatu estatutua ematea da.
Atzerritarren atxikitze-zentrora eramateko aukera erabat baztertu du Valentziako alkateak: "Ez dira pertsona migratzaileen eskubideekin bateragarriak".
Zure interesekoa izan daiteke
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.
Osakidetzan artatutako Gazako haurra egonkor dago, lehen balorazioak egin ondoren
Pazienteak sortzetiko begi-patologia du, eta ikusmen-gaitasunari eragiten dio. Lehen probak egin ondoren, adituak pronostikoa hobetzeko esku hartzeko aukeraren alde egitekotan daude. Euskal osasun-sistemak 28 gazatar artatu ditu dagoeneko.
Euskadin 1970az geroztik izandako ekainik beroena izan da, ezohiko bero-bolada baten ondorioz
Muturreko beroa batez ere ekainaren 21etik 27ra bitartean izan zen. Bero-bolada horrek 44 °C-tik gorako tenperatura maximoak utzi zituen Euskal Herriko hainbat txokotan, baita hainbat gau tropikal ere. Egoera hain izan zen larria, EAEn 39 alerta meteorologiko baino gehiago aktibatu baitziren; horien artean, 3 alarma gorri.
Angeriñe Elorriaga, USaPeko Euskara azterketako zuzentzailea: "Zeroa atera daiteke"
Angeriñe Elorriaga EHUko irakasle eta USaPeko Euskara azterketako zuzentzaileak azaldu duenez, zeroak Euskaran ez ezik beste ikasgai batzuetan ere egon badaude. Radio Euskadin egin dioten elkarrizketan azaldu duenez, EHU eta gainerako erakundeen babes falta sentitu du. Datorren urtean ez da zuzentzaile ariko.
64.000 migratzailek baino gehiagok eskatu dute Hego Euskal Herrian ezohiko erregularizazioa
49.451 pertsonak eman dute izena EAEn eta 14.886k egin dute Nafarroan. Eskaera nagusiak Bizkaian egin dira (28.834), eta Espainiako Estatuan ia 1,2 milioi eskaerara iritsi dira.
90 urteko gizon bat zauritu da Zestoan, adinekoen egoitza batean piztutako sutean
Sua egoitzako gela batean piztu da, eta dagoeneko itzali dute. Zauritutako gizona erredurekin eraman dute Donostia ospitalera eta gainerako egoiliarrak terrazara atera dituzte suhiltzaileek sua itzali bitartean.