78ko sanferminak oroitzeko 'Gogoan' monumentua inauguratu dute
"Sanfermines 78 gogoan!" ekimenak 1978ko uztailaren 8ko gertaerak gogoratzeko monumentua inauguratu du gaur arratsaldean Iruñean. German Rodriguez iruindarra hil eta beste sei pertsona zauritu ziren tiroz.
Monumentua ipintzeko obrak ekainaren 25ean hasi zituzten. Besorik gabeko emakume baten estatua da, eta Roncesvalles etorbidearen bidegurutzen jarri dute, Carlos III.aren alboan, entzierroaren monumentuaren ondoan. Hormigoizko egitura bat jarri zuten lehenik eta behin, eta barnean denboraren kaxa bat dauka.
392 pertsona, kolektibo, peña, elkarte eta erakunderen izenak daude kutxa horretan. Ekimena garatzeko beharrezkoak ziren 30.000 euro baino gehiago eman dituzten eragileak dira.
Ostegunean jarri zuten estatua, Dora Salazar egile altsasuarraren gainbegiradarekin. Gaur azaldu duenez, "Gogoan" estatuak "topaketa" izan nahi du, "eztabaida" alde batera utzi gabe.
Jai haietan poliziaren erasoak jasan zituzten biktima guztiak gogoratzea da helburua, "Sanfermines 78 gogoan!" erakundearen esanetan.
Horrez gain, Iruñeko hiriari eta "poliziaren erasoen biktimei" eskainita dagoela azaldu dute arduradunek, 40 urteko "inpunitatea" eta gero aldarrikatzen jarraitzen duten "egiaren, justiziaren eta erreparazioaren" ikur gisa. Justizia "ez dela berdina guztientzat" nabarmendu dute. Hala, orain dela hamar urte gertatutako Nagore Laffageren heriotza, 'La Manada'ren biktima eta Altsasuko gazteak gogoratu dituzte.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.