'La Manada' taldeko guardia zibilak aske segituko du, erabaki bat hartu artean
Nafarroako Lurralde Auzitegian Antonio Manuel Guerrero 'La Manada' taldeko guardia zibilaren baldintzapeko askatasunari buruzko saioa egin dute eta epai-mahaiak datozen egunetan hartuko du erabaki bat, baina bitartean Guerrero libre izango da.
Guerrerori eta 'La Manada' taldeko beste lau kideri bederatzi urteko kartzela-zigorra ezarri zieten, 2016ko sanferminetan 18 urteko neska bati sexu-abusuak egitea leporatuta. Alabaina, joan den maiatzaren 23 espetxetik baldintzapean atera ziren bostak, 6.000 euroko bermea ordainduta.
Maiatzaren 25ean, Antonio Manuel Guerrero guardia zibila Sevillako komisaria batera joan zen, pasaportea berritzeko asmotan, epaileak Estatu espainiarretik ateratzeko debekua eta pasaportea entregatzeko agindua ezarri bazion ere.
Gauzak horrela, Fiskaltzak, akusazio partikularrak eta herri-akusazioak Guerrero berriro kartzelatzea eskatu dute, ihes egiteko arriskua nabarmena dela argudiatuta.
Guerrerok eta haren abokatuak Sevillako Lurralde Auzitegitik bideokonferentzia bidez jarraitu dute Nafarroako Auzitegian gaur egin duten saioa. Guerreroz gain, beste hainbat lagunek deklaratu dute saioan, hala nola, haren aitak eta neskalagunak edota komisarian berarekin izan ziren poliziek.
Saioa 14:00etan hasi eta 18:30ak aldera amaitu da. Guerrero berriro kartzelan sartzeko edo baldintzapean aske mantentzeko erabakia gaur bertan har zezakeen epai-mahaiak, baina ez da hala izan, eta, beraz, magistratuek datozen egunetan emango dute ebazpena. Bitartean Guerrero libre egongo da.
Zure interesekoa izan daiteke
Donostiako La Anunciata ikastetxeak ateak itxiko ditu datorren ikasturtean, ikasle kopuruaren beherakadagatik
Kristau Eskolak patronatuari lagunduko diola iragarri du, Eusko Jaurlaritzako Hezkuntza Sailarekin lankidetzan, egungo ikasleen matrikulazioa datorren ikasturterako errazteko asmoz.
Bigarren gazte bat hil da Pirinioetako elur-jausiaren eraginez
Guadalajarako 22 urteko gizon bat da. Ostegun arratsaldean 25 urteko eskiatzaile bat hil zen, Zaragozakoa, elur-jausi batek harrapatuta Cebolles mendian, pistatik kanpo.
Adamuzko istripuaren biktimen kopurua 46ra igo da
Kordobako Sofia Erregina Ospitaleko zainketa intentsiboetako unitatean zegoen emakumeetako bat hil da gaur.
Bi pertsona atxilotu dituzte, indarkeria erabilita emakumeak prostituitzera behartzen zituzten pisuetan lapurtzeagatik
Donostiako etxebizitza batean "neurrigabeko indarkeria" erabilita egindako lapurreta baten ondorioz hasi zen ikerketa. Etxe hartan, prostituitzera behartzen zituzten biktimak. Mota bereko beste etxebizitza batzuetan antzeko gertakariak jazo ziren; Ferrolen (A Coruña), Gijonen (Asturias) eta Valladoliden.
Espainiako Gobernuak farmazietan kalamu medizinala banatzeko atea ireki du
Javier Padilla Estatuko Osasun idazkariak baztertu egin du marihuana aisialdirako arautzea.
Gizon bat atxilotu dute Bermeon, emakume bati "eraso matxista larria" egiteagatik
Udalerriko Udalak eman du jakitera joan den astean emakume bati eraso egin zion gizona atxilotu dutela.
Fermin Muguruzak eta Amaia Romerok Palestinaren alde Bartzelonan egin den kontzertuan parte hartu dute
Israelek Palestinan genozidio odoltsua hasi eta bi urte baino gehixeagora, Kataluniako kulturaren ordezkariak Bartzelonako Palau Sant Jordin bildu dira Palestinaren askatasuna eskatzeko. Manifest x Palestina kontzertuan Rosalia, Pep Guardiola, Bad Gyal, Amaia, Fermin Muguruza edo Eduard Fernandezek hartu dute parte, besteak beste.
Gizon bat atxilotu dute Barakaldon, beste bati sexu erasoa egitea eta itotzen saiatzea egotzita
Asteazken arratsaldean gertatu zen erasoa, Barakaldoko Lutxana auzoko eraikin huts batean. Biktima eta erasotzailea gaua igarotzera joan ziren bertara.
Gizon batek fisikoki eta sexualki egin dio eraso bikotekideari Gasteizen
Ostegunean gertatu zen erasoa, 16:30 aldera, El Pilar auzoan.
Hexabalente txertoaren zain dauden 30 pertsonak datorren astelehenerako txertatuko dituzte
Iraungitako bi txerto motarekin lotuta egon daitezkeen kasu berriak baieztatu zituen atzo Osasun Sailak; guztira 78 pazienteri eragin diezaieketenak. Horiei dagokienez, argitu dute beharrezkoa denean jasoko dutela txertoa.